Open main menu

Wikipedia β

Hoton Shugaba Buhari a shekara ta 2015.

Muhammadu Buhari tsohon soja mai ritaya ne kuma dan siyasa. Ya zama zababben shugaban Nijeriya a zaben shekarar 2015, inda ya kada tsohon shugaban kasa Goodluck Jonathan. An haifi Muhammadu Buhari a ranar 17 ga watan Disamba, 1942.

Tarihin Muhammadu BuhariGyara

An haife Mohammad Buhari a ranar 17 Disamba 1942 a garin Daura da ke cikin jihar Katsina, arewacin tarayyar Nigeria.

Buhari ne da na 23 a cikin yayan mahaifinsa malam Adamu, sannan ya tashi a hannun mahaifiyarsa mai suna Zulaihatu bayan rasuwar mahaifinsa yana dan shekaru 4 a duniya.

Banda karatun addinin a gida Buhari a shiga makarantar Primari ta Daura da Mai’adua, sannan ya je Katsina model school a shekara 1953, sai kuma Katsina Provincial Secondary School (wanda ake kira Government College Katsina a yanzu) daga 1956 zuwa 1961.

Daga nan ne ya shiga makarantar soje ta Nigerian Military Training College da ke kaduna , inda ya fara aikin soja. Buhari ya ci gaba da karsatu a ciki da wajen kasar, a makarantu wadanda suka hada da,: Defence Services Staff College, Wellington, India, a shekara 1973. Sannan Army Mechanical Transport School a birnin Borden, na kasar Britania .Karatunsa na karshe shi ne na The United States Army War College (USAWC) a Carlisle, na jihar Pennsylvania, a kasar Amurka inda ya sami digiri na biyu ko kuma Masters Degree a ilmin sanin dabarbarun yaki ko Strategic Studies.

Kafin ya zama shugaban kasa a karon farko a shekara 1983, Buhari ya rike wasu manya manyan mukaman gwamnati wadanda suka hada da gwamnan jihar arewa maso gabas, da ministan man fetur da albarkatun kasa.

A shekara 1983 Buhari da abokansa cikin rundunar sojojin kasar suka yi juyin mulki wa zabebben gwamnatin shehu shagari bayan zargin ta lalata tattalin arzikin kasar sanadiyyar cin hanci da rashawa a tsakanin ma’akatan gwamnati da yan siyasa.

A cikin gwamnatin da ya jagoranta ba watannin 20, muhimman lamura da aiwatar a bangaren tattalin arziki shi ne chanza launin kudaden kasar, don raya bankunan da kuma lalata shirin attajiran kasar wadanda suka bobboye kudade a wurere daban daban. Har’ila yau Buhari ya ki amincewa da bukatar Bakin lamuni ta duniya IMF na ya rage darajar Naira da kashi 60%, a maimakon haka ya takaita shigir da kayaki daga kasashen waje wadanda zasu cutar da tattalin arzikin kasar da sauransu.

A kokarin gyara halayen yan Nigeria kuma, Buhari ya jafa yan siyasa da dama cikin gidan kaso tare da tuhumar sata da cin hanci da rashawa, sannan ya gabatar da shirin yaki da rashin da’a da nufin kyautata halayen yan Nigeria. Sai dai kamar yadda ake zata ya sha suka daga banagren kungiyoyi da kasashen duniya kan take hakkin bi’adama musamman yan jaridu.

Bayan an masa juyin mulki a shekara 1985 Buhari, gwamnatin Baban gida ta tsreshi na wasu shekaru.

Sai kuma bayan darewar marigayi Genar Abacha kan kujerar shugabancin kasar ya kafa hukumar PTF wacce ta gudanar da ayyukansa da karin kudaden man fetur da aka yi a shekara 1994. Inda ya mikawa Buhari shugabancin hukumar.

PTF ta yi rawar gani a kyautata rayuwar yan Nigeria, PTF ta kyautata bangarori da dama a Nigeria wadanda suka hada da makarantu, kiwon lafiya, hanyoyi da sauransu. Wanda yan Nigeria basu manda da it aba.

Bayan Mutuwar Abacha a shekara 1998 da kuma dawowar Democradiyya a shekara 1999, Buhari ya shiga harkokin siyasa da kuma neman takarar shugabancin kasar a shekaru 2003, 2007, 20011, amma ba tare da samun nasara ba, sai a karo na 4 wato a wannan shekara ta 2015.

Idan muka dubi halin da kasar take ciki a lokacinda Buhari ya sake dawowa a matsayin shugaban kasa a karo na biyu, zamu ga cewa matsalolin da kasar take fama da su sun ninninka wanda ya tarar a a shekara ta 1983. Sai dai ayi masa fatan alheri a cikin gagarumin aikin da ke gabansa.