Muhammad Inuwa Yahaya

Alhaji Muhammadu Inuwa Yahaya (an haife shi a ranar 9 ga watan Oktoba, a shekara ta alif ɗari tara da sittin da ɗaya, 1961) Dan Najeriya ne, Dan kasuwa, kuma Dan siyasa. Shi ne gwamnan Jihar Gombe wanda aka zaɓa a ranar 9 ga watan Maris a shekara ta dubu biyu da goma sha tara, 2019 ƙarƙashin jam'iyyar All Progressive Congress (APC).

Muhammad Inuwa Yahaya
gwamnan jihar Gombe 29 Mayu 2019 - ← Ibrahim Hassan Dankwambo
Rayuwa
Cikakken suna	Muhammad Inuwa Yahaya
Haihuwa	Jihar Gombe, 9 Oktoba 1961 (63 shekaru)
ƙasa	Najeriya
Mazauni	Jihar Gombe
Ƙabila	Hausawa
Harshen uwa	Hausa Fillanci
Karatu
Makaranta	Jami'ar Ahmadu Bello
Harsuna	Turanci Hausa Pidgin na Najeriya Fillanci Larabci Waja (en) Tangale (en) Bolanci Harshen Pero
Sana'a
Sana'a	ɗan siyasa, ɗan kasuwa, governor (en) da investor (en)
Imani
Addini	Musulunci
Jam'iyar siyasa	All Progressives Congress

Farkon Rayuwa

An haifi Muhammadu Inuwa Yahaya a ranar 9 ga watan Oktoba, shekara ta alif ɗari tara da sittin da ɗaya (1961) a anguwar Jekadafari, a garin Gombe, Jihar Gombe. Mahaifinsa, Alhaji Yahaya Umaru, shahararren ɗan kasuwa ne a garin Gombe.

Karatu

Bayan kammala karatun sa na firamare da sakandare, Muhammad Inuwa yasamu gurbin cigaba da karatu a babban makarantar gaba da sakandare a Jami'ar Ahmadu Bello Zaria, inda ya karanta lissafi na fannin banki (Accounting) a shekara ta alif ɗari tara da tamanin da uku, 1983.Ya samu shaidar Bachelor's degree.

Siyasa

Alhaji Muhammad Inuwa Yahaya ya tsunduma cikin siyasa a shekara ta dubu biyu da uku, 2003. Amma ya yi suna ne a shekara ta dubu biyu da goma sha biyar (2015), inda ya zama ɗan takarar gwamna a jam'iyar All Progressive Congress (APC) na jihar Gombe. A ɗaya ga watan Oktoba, shekara ta dubu biyu da goma sha takwas (2018) ya sake lashe zaɓen cikin gidan jam'iyar All Progressive Congress (APC), a karo na biyu dan yin takarar gwamnan Jihar Gombe a babban zaɓen Najeriya na shekara ta dubu biyu da goma sha tara, 2019.

Alhaji Muhammad Inuwa Yahaya yayi nasara a zaɓen shekara ta dubu biyu da goma shatara 2019 wanda ya gudana ranan 9 ga watan Maris, shekara ta dubu biyu da goma sha 2019. Ya samu adadin ƙuri'u 364,179, inda ya buge abokin takararsa na jam'iyar Peoples Democratic Party (PDP), Sen. Usman Bayero Nafada wanda yasamu tashi adadin ƙuri'un 222,868.

Muhammad Inuwa Yahaya

Yanzu haka gomna ne a jihar Gombe.