Ali Jita

Mukala mai kyau

Ali Isah Jibrin (Haihuwa: A ranar 5, ga watan Yulin shekara ta alif 1983) Ana masa laƙabi da Ali Jita a fannin waƙa, ana kuma kiran shi da Mai jita ko Ali Isah Jita sunan shi na yanka shine 'Ali Isah Jibrin. Ya kasance mawaƙin Hausa na zamani, marubucin waƙa kuma mai rerawa. An haife shi a cikin jihar Kano a wani gari mai suna Gyadi gyadi, Ali jita ya tashi a Shagari quarters a ƙaramar hukumar Kumbotso. Daga bisani kuma aiki ya mai da mahafinsu da su garin Lagos daga baya suka ƙara komawa Abuja. Sunan mahaifinsa Alhaji Sallau Jibrin Kibiya ya kasance mahauci ne, Mahaifiyarsa kuma Hajiya Ummul-Khairi..

Ali Jita
Rayuwa
Cikakken suna	Ali Isah Jibrin
Haihuwa	jahar Kano, 15 ga Yuli, 1983 (41 shekaru)
ƙasa	Najeriya
Ƙabila	Hausawa
Harshen uwa	Hausa
Karatu
Harsuna	Turanci Hausa Larabci Pidgin na Najeriya
Sana'a
Sana'a	mawaƙi, mai rubuta waka, darakta, producer (en) da mawaƙi
Imani
Addini	Musulunci

Mawakin hausa

Karatu.

Ali jita ya fara karatun noziri a shagari quaters, yayi karatun firamari da sakandari a Victoria ireland dake Lagos a cikin wani barikin sojoji mai suna Bonikam Barrack, ya karasa karatun sa na sakandiri ne a Abuja. Sannan ya zurfafa karatunsa a Federal College of Education Kano inda ya karanta Public Administraion, inda aka bashi darajan shaidawa ta National Diploma, sannan kuma ya karanta ilimin kwamputa a Intersystem ICT School inda ya ƙara samun shaida na Diploma.

Waka da fim.

Yawancin wakokin Ali jita an saka su a masana'antar fim ta Kannywood, amman wasu daga cikin Albom ɗin shi kuma an sayar dasu ne a wajen Kannywood, Yana waka ne tare da shahararren mawaki Nazifi Asnanic da kuma Fati Nijar a matsayin abokan arziki. Harwa yau, shahararren mawakin yayi waka tare da Nazir M Ahmad mai suna Mama, sannan yayi waka tare da Umar M Shareef mai suna Kano. A shekara ta 2018, Ali jita yayi wata waka mai suna Love, wakar ta lashe lambar girma na jadawalin wakokin da suka fi kowanne a shekaran, a inda wakan tazo na biyu, kamar yanda BBC Hausa suka dauko rahoto. Ali jita yayi amfani da salan Ingausa wajen rubuta wakan da kuma rerawa. A shekara ta 2019, yayi bidiyon wakan sa mai suna Arewa angel tare da tsohuwar jaruman Kannywood mai suna Rahama Sadau. Sannan yayi bidiyon waka mai suna Love tare da Hadiza Gabon.

Rayuwa.

Ali jita ya fara harkan waka tin yana ɗan shekara 16, a lokacin yana makarantan islamiyya a Lagos tin lokacin da yake zurfafa karatun sa a Federal college of education kano ya kasance yana ɗan taɓa waka kadan-kadan. haka ya cigaba da taɓa waka har girman sa. ya kasance mutum ne mai saukin kai, yana da sanyayyar murya. Mutum ne kuma mai yawan murmushi. Yana san Nazifi Asnanic a matsayin abokin kirki a wajen waka da kuma cikinta. Kuma su biyun makusantan juna ne a harkan waka, sunyi wakoki dayawa tare irinsu Aboki da Ruwan zuma. An kira shi da Ali jita ne saboda san jita da yakeyi, kuma yana yawan rike Jita a wakokinsa da kuma ambatan sunanta. Ali jita yana da aure harda yara biyar, Usman suna kiranshi da Affan, da Aliyu inkiya Ramadan, Ahmad farid, zainab hidda sai Aisha ana kiranta da Afra.

Kundin Wakoki.

Albom	Wakoki	Shekara	Adadin wakoki
Labarin duniya	* wacece nake so Labarin duniya Bakandamiya 3 Murmushin alkawari Zaman gida Buje Remix Uwar gida Labarin jita remix Rayuwa Chan changi Ga amarya ga ango remix So sinadari remix		12
Zakin maza	*Rabbana *Duniya *watan Azumi *Farar diya	2016
Mata	*Mata	2018
	Arewa Angel Mamana Tarkon kauna Gimbiyar mata Buri uku Yar lele Duniya Halimatu sadiya Asha ruwa Jawabi Yara yara Kece Love Indo Aure Zaman aure Farar diya Zakka Mai jita Fati fati Kano	Ba'a san shekaran ba

Kambu da Lambar girma.

Ali jita ya samu lamban girmamawa a fannin waka daban daban akalla guda goma sha biyar 15 kamar haka:

Sunan awad	Lamban girma	shekara
Ama award
Tozali award
MTN award

Diddigin bayanai na waje.

• Ali jita da Nazifi Asnanic a wakan Aboki Ali jita ft Nazifi
• Ali jita da Nazifi Asnanic Ruwan Zuma jita ft Nazifi Asnanic Ruwan Zuma
• Ali jita ft Nazifi Asnanic da Naziru M Ahmad jita ft Nazifi Asnanic da Nazir M Ahmad
• Ali jita ft Rahama Sadau Arewa Angel jita ft Rahama Sadau Arewa Angel.
• Wasu Daga Cikin Wakokin Ali Jita Archived 2022-02-12 at the Wayback Machine