Kisan gilla a Konduga, Fabrairu 2014

An yi kisan kiyashi a Konduga, Jihar Borno, Najeriya a ranar 11 ga watan Fabrairun shekarar 2014. Kisan gillar da mayaƙan Boko Haram suka yi wa mazauna ƙauyukan Kirista ne. Aƙalla mutane 62 ne suka mutu.

Kisan gilla a Konduga, Fabrairu 2014

11°39′06″N 13°25′10″E
Iri	aukuwa
Bangare na	Rikicin Boko Haram
Kwanan watan	14 ga Faburairu, 2014
Wuri	Konduga
Adadin waɗanda suka rasu	62

Kisa

Kisan kiyashin ya faru ne ranar 11 ga watan Fabrairun shekarar 2014 a Konduga, jihar Borno, arewa maso gabashin kasar Najeriya. Ƙauyen da harin ya faru yawancin mazaunan sa mabiya addinin kirista ne. Maharan da dama, kuma sanye da kayan sojoji ne, suka kai farmaki a ƙauyen. An harbe wasu daga cikin waɗanda aka kashe; wasu kuma an tsaga makogwaronsu. Ya zuwa 15 ga watan Fabrairu, shekarar 2014, an kashe mutane 121. Rahotanni sun ce mayakan sun yi furta kalmar Allahu Akbar ne a lokacin da suke kai hari ƙauyen, wadda kuma kalma ce da mabiya addinin Islama ke amfani da ita. Daga nan ne mayaƙan suka ci gaba da lalata gidaje da wuraren kasuwanci a garin.

Abubuwan da suka biyo baya

A ranar 15 ga watan Fabrairun shekarar 2014, Boko Haram ta kai hari irin wannan a Izghe, Borno. Sama da mutane 121 aka kashe a harin. Dubban mutanen ƙauyen ne suka tsere daga garin zuwa iyakar ƙasar da Kamaru domin gujewa tashin hankalin. Waɗanda suka tsira da ransu sun ce ƴan bindigar sun yi harbi kan mai uwa da wabi a kan hanyarsu, ba gaira ba dalili, tare da ƙona coci-coci, gami da wawashe kayan abinci baki ɗaya.

Daga nan ne ƴan ta'adan mayakan Boko Haram suka kai farmaki kan sojojin Najeriya inda suka kashe sojoji 9 sannan suka tilastawa sojojin ja da baya daga yankin. Daga nan ne sojojin su ka yunƙuro da ci gaba da kai hare-hare ta sama da ta ƙasa kan ƴan Boko Haram, lamarin da ya tilasta wa ƴan ta'addan ɓoyewa a cikin dazuzzukan yankin.

A ranar 6 ga watan Mayun, shekarar 2014, kusan mutane 200 ne suka mutu a lokacin da ƴan tada ƙaya baya sanye da kakin soji suka kai hari a Gamboru, wani gari a jihar Borno da ke kan iyakar Najeriya da Kamaru. Maharan sun kutsa cikin garin ne a lokacin da wasu daga cikin mazauna garin ke tsaka da barci, sun ƙona gidaje tare da harbin mutanen da suka yi ƙoƙarin tserewa daga harin.

Boko Haram

Ƙungiyar Boko Haram ƙungiya ce ta ƴan ta'adda mai jihadi a Najeriya wacce ke neman kafa tsarin shari'a a ƙasar baki ɗaya. Mohammed Yousuf ne ya kafa ƙungiyar, kungiyar ta saba jefa bama-bamai a gine-ginen gwamnati da majami'u a hare-haren ta na ƴann bindiga. Kungiyar ta fi kai hare-hare a tsohon yankin daular Bornu, yanzu jihar Borno a arewa maso gabashin Najeriya. Kungiyar Boko Haram ta kaddamar da harin ta'addanci na farko a shekarar 2009, kuma tun daga nan take ta fama da rikici mai tsanani da gwamnatin Najeriya, da sojoji da kuma mazauna garin. Kungiyar Boko Haram ta yi kisan kiyashi a ƙauyuka kafin kisan kiyashin Konduga. Rikicin ya zama ruwan dare inda a ranar 14 ga watan Mayun shekarar 2013 shugaban Najeriya Goodluck Jonathan ya kafa dokar ta ɓaci a arewacin kasar Najeriya tare da haɗa sojoji domin fatattakar mayaƙan.

Sauran ayyukan Boko Haram sun haɗa da harbe-harbe a shekarar 2013, kisan kiyashi a watan Janairun shekarar 2014, fadace-fadacen shekarar 2014 da shekarar 2015, da kuma harin ƙuna baƙin wake a shekarar 2018 da 2019.