Dikko Umaru Radda

Dr. Dikko Umaru Radda (An haife shi a ranar 10 ga watan satumba, a shekara ta alif da ɗari tara da sittin da tara (1969) Miladiyya a karamar hukumar Dutsin-Ma ta Jihar Katsina. Dikko Umar Radda Dan siyasa ne kuma shine zababben gwamnan Jihar katsina a karkashin jam'iyyar APC a babban zaben da aka gudanar a ranar 18 ga watan Mayu na shekarar 2023 inda yayi nasara ne da Kuri'u 859,892. Shine Darakta Janar/Babban Babban Jami’in Hukumar Raya Kanana da Matsakaitan Masana’antu ta Najeriya (SMEDAN). Kuma ya taba zama ciyaman Na Karamar Hukumar Charanchi

Dikko Umaru Radda
gwamnan jihar Katsina 2023 - ← Aminu Bello Masari
Rayuwa
Haihuwa	Dutsin-Ma, 1970 (54/55 shekaru)
ƙasa	Najeriya
Harshen uwa	Hausa
Karatu
Makaranta	Jami'ar Ahmadu Bello Jami'ar Abubakar Tafawa Balewa (1992 - 1996)
Harsuna	Turanci Pidgin na Najeriya Hausa
Sana'a
Sana'a	ɗan siyasa da Mai tattala arziki
Imani
Addini	Musulunci
Jam'iyar siyasa	All Progressives Congress

Tarihi:Yusuf sahabi bdl

Karatu

Dikko Umar Radda ya fara karatunsa na farko a makarantar firamare ta Radda daga Shekara ta 1974 zuwa 1980. Daga nan ya wuce zuwa Kwalejin Malamai ta Zariya tsakanin shekara ta 1980 zuwa 1985. Ya shiga Kwalejin Ilimi ta Kafanchan a shekara ta 1986 zuwa 1990, inda ya samu takardar shaidar NCE. Ya shigaJami'ar Abubakar Tafawa Balewa da ke Bauchi a shekara ta 1992 zuwa 1996, inda ya kammala karatunsa na B-Tech.Agric Economic and Extension (Hons). Daga nan kuma ya sami admission a Jami'ar Ahmadu Bello Zaria a shekara ta 1998 zuwa 2004 inda ya samu digiri na biyu (MSc) a Agric Extension and Rural Sociology a shekara ta 2004. Dikko Umar Radda ya koma ABU Zariya a shekara ta 2005 don samun digiri na biyu a fannin harkokin kasa da kasa da diflomasiyya. Ya kammala karatunsa na digirin digirgir (P.h.D) a fannin aikin gona da ilimin zamantakewar karkara a shekara ta 2015.

Aiki da Siyasa

Dikko Umar Radda ya kasance malamin makaranta tsakanin shekarar 1989-1999. Ya yi aiki a matsayin ma'aikacin banki tare da rusasshiyar bankin duniya na FSB tsakanin shekarar 1999-2003.

Dikko Umar Radda yayi Shugabancin Karamar Hukumar Charanchi ta Jihar Katsina tsakanin watan Janairun shekara ta 2005 zuwa Afrilun shekarar 2007. kuma sannan an nada shi Shugaban Kwamitin riko na Karamar Hukumar Charanchi, a watan Mayun shekarar 2007. Sauran mukaman daya rike akwai; Babban Mai Taimakawa 'Yan Majalisu, NASS, Abuja, 2012-2014, Sakataren Jin Dadin Jama'a (APC), Yuni 2014-Yuli 2015. Ya rike sarautar gargajiya ta Gwagwaren Katsina a masarautar KatsIna. An nada shi a matsayin shugaban ma’aikata na Gwamnatin Jihar Katsina. Shi ne Darakta Janar/Babban Jami’in Hukumar Raya Kanana da Matsakaitan Masana’antu ta Najeriya (SMEDAN). Shugaban kasa Muhammadu Buhari ya sake nada Dr Dikko Umaru-Radda karo na biyu a matsayin shugaban Hukumar bunƙasa ƙanana da matsakaitan sana'o'i a Najeriya wato SMEDAN. Sanarwar ta fito ne daga ofishin sakataren gwamnatin tarayya, Boss Mustapha a wata takarda mai dauke da kwanan watar 12 ga watan Maris na 2021.

Dikko Umaru Radda a tsakiya

Dr. Dikko Umar Radda ya shiga siyasar neman kujerar Gwamnan Jihar Katsina, a siyasar shekarar 2023. A daidai lokacin ne ya ajiye shugaban Hukumar bunƙasa ƙanana da matsakaitan sana'o'i a Najeriya wato SMEDAN, a ranar Laraba, 1 ga watan Yunin shekarar 2022, inda ya damka wa Mr. Wale Fasanya mukamin, bayan ya lashe zaben fidda gwanin takarar Gwamnan Jihar Katsina a karkashin jam'yyar APC.

Zaben Gwamna na 2023

Hukumar zaben Najeriya wato INEC ta ayyana Dakta Dikko Umar Radda na jam'iyyar APC a matsayin wanda ya lashe zaɓen gwamnan jihar Katsina. Radda ya samu nasara ne da ƙuri'u 859,892, yayin da mai biye masa Garba Yakubu Lado Danmarke na jam'iyyar PDP ya samu kuri'u 486,620. Jami'in da ke tattara sakamakon zaɓen gwamnan a jihar ta Katsina, Farfesa Mu'azu Abubakar Gusau ne ya bayyana sakamakon a daren Lahadi. Jihar Katsina ita ce jihar tsohon shugaban Kasar Najeriya Muhammad Buhari. An rantsar da Dr Dikko Radda a Matsayin gwamnan jihar Katsina a ranar Litinin ashirin da tara (29) ga wata mayun Shekara ta dubu biyu da ashirin da ukku (2023).