Peter Enahoro

Peter Enahoro (an haifeshi ranar 21 ga Janairu, 1935) ɗan Jarida ne a Najeriya, marubuci, ɗan kasuwa kuma mawallafi. Har ila yau, an san shi da sunan "Peter Pan" saboda shaharar shafinsa a cikin mujallar New African da ke ƙarƙashin wannan sunan-(Peter Pan). An bayyana shi a matsayin "wataƙila fitaccen ɗan jarida na duniya a Afirka".

Peter Enahoro
Rayuwa
Haihuwa	Uromi da jahar Edo, 21 ga Janairu, 1935
ƙasa	Najeriya
Mutuwa	Landan, 2023
Ƴan uwa
Ƴan uwa	view Anthony Enahoro ()
Sana'a
Sana'a	ɗan jarida, ɗan kasuwa da marubuci

Rayuwar farko da ilimi

An haifi Peter Osajele Aizegbeobor Enahoro a ranar 21 ga Janairun 1935 ga dangin Enahoro (waɗanda yan siyasa ne) a Uromi, Jihar Edo, Najeriya. Iyayensa Esan sune malamai ne, waɗanda suka koyawa Asuelimen Okotako Enahoro da Gimbiya Inibokun (née Okojie). Kakansa na uwa shine Onogie na Uromi, Ogbidi Okojie . Babban yayansa ɗan siyasa ne kuma, Cif Anthony Enahoro . Yana daya daga cikin 'yan'uwa goma. Ya yi karatu a St. Stephens Elementary School, Akure (Jihar Ondo); CMS Primary School, Ado-Ekiti (Jihar Ondo); Makarantar Gwamnati, Ekpoma (Jihar Edo), Makarantar St. David, Akure (Jihar Ondo), Makarantar Gwamnati, Warri (Jihar Delta), kafin ta kammala karatunta a Kwalejin Gwamnati, Ughelli ( Jihar Delta ) a 1948.

Sana'a

Enahoro ya fara aikinsa a kafafen yada labarai a matsayin Mataimakin Jami’in Yada Labarai, Sashen Yanzu Ma’aikatar Watsa Labarai ta Tarayya, 1954. Ya fara aiki a jaridar Daily Times a matsayin babban edita a shekarar 1955, yana ɗan shekara 20, kafin ya ci gaba da zama Mataimakin Manaja a Rediffusion Services, Ibadan, a shekara ta 1957. Ya zama Editan Jaridar Sunday Times ta Najeriya a shekarar 1958 yana ɗan shekara 23, sannan ya zama Editan Features na Daily Times a 1958, sannan ya zama Editan jaridar a 1962, ya zama Mashawarcin Edita na Daily Times Group a 1965, sannan a 1966. Babban Editan Jaridar Daily Times'.

A cikin 1960s, Enahoro ya yi gudun hijira na ƙashin kansa wanda zai kai kimanin tsawon shekaru 13 yana gudun hijarar. Ya kasance Editan Rediyo Deutsche Welle a Cologne, Jamus, daga 1966 zuwa 1976, kuma shi ne Editan Afirka na National Zeitung, a Basel, Switzerland, ya zama Daraktan Edita na Sabuwar Mujallar New African a London a 1978. A shekarar 1981, ya kaddamar da wata mujallar labarai ta nahiyar Afirka mai suna Africa Now. Ya zama shugaban kamfanin Daily Times Nigeria Plc a shekarar 1996. Aikin sa na "Peter Pan" wanda ya fara rubutawa a cikin 1959 ya kawo cigaba a a siyasa. Frank Barton a cikin littafinsa The Press of Africa (Macmillan Press Ltd.) ya bayyana Enahhoro a matsayin "wanda za a iya cewa shi ne mafi kyawun ɗan jarida a Afirka da ke rubutu da Ingilishi".

Korar kai

A wata hira da Anote Ajeluorou na Mujallar Asabar ta Vanguard, Enahoro ya amince ya gudu daga Najeriya, yana da shekaru 31 a cikin 1960. Wannan-(gudun hijirar) ba shi da alaƙa da Yaƙin Basasa na 1966. Ya fara dawowa gida a shekarar 1979 kafin ya tafi. Bugu da kari, a cikin 1990 ya dawo amma ya kasa zama.

Bugawa

• Yadda ake zama ɗan Najeriya (1966)
• Dole ku yi kuka don dariya (1972)
• Kammalallen Najeriya (1992)
• Sa'an nan kuma ya yi magana da Thunder (2009)

Hanyoyin haɗi na waje

• Anote Ajeluorou, "Peter Enahoro: Tunanin Mai Kishin Kasa" Archived 2023-03-02 at the Wayback Machine, The Guardian (Nigeria), 6 Fabrairu 2015