Nyaknno Osso

Nyaknno Osso ma'aikacin Laburare ne, ɗan jarida, kuma shi ne wanda ya kafa Gidauniyar Legacy da Bincike (BLERF).

Nyaknno Osso
Rayuwa
Haihuwa	Akwa Ibom, 27 ga Augusta, 1954 (69 shekaru)
ƙasa	Najeriya
Mazauni	Ibadan Port Harcourt Kogin Cross River (Najeriya) Ogun Abuja
Ƴan uwa
Abokiyar zama	Emem (en) Angela
Karatu
Makaranta	Jami'ar Ibadan
Matakin karatu	Doctor of Philosophy (en)
Harsuna	Turanci Pidgin na Najeriya
Sana'a
Sana'a	editor-in-chief (en) , librarian (en) , researcher (en) da babban mai gudanarwa
Wurin aiki	News Watch 9 (en)
Employers	Olusegun Obasanjo Presidential Library (en)
Imani
Addini	Kiristanci

Rayuwar farko da ilimi

Nyaknno Osso ya ƙare karatun digiri daga Jami'ar Ibadan (Makarantar Laburare, Ajin 1975)

Sana'a

Ayyukan sana'a wanda Mista Osso ya ƙare akai sun haɗa da aikin ɗakin karatu a Jami'ar Ibadan daga 1971-75 da kuma aikin gwamnati a matsayin babban ma'aikacin laburare da kuma mai bincike a Kamfanin Jaridun Jihar Kuros Riba daga 1975 zuwa 1984. Ya koma Mujallar Newswatch a shekarar 1984, anan ya dauki matsayin babban ma'aikacin gudanarwa na farko tare da Dele Giwa da Ray Ekpu, daga ƙarshe ya hau muƙamin Shugaban Bincike. Bayan kammala aikinsa a cikin 1991, sa'annan ya ɗauki matsayin mai ba da shawara a kan laburare a cikin Newswatch, inda daga baya ya zama editan Newswatch na bikin "Wane ne Wane a Najeriya."

A tsakanin shekarar 1999 zuwa 2007, Mista Osso ya yi aiki a matsayin mataimaki na musamman ga tsohon shugaban kasa Olusegun Obasanjo a fannin Laburare, Bincike da kuma hadehaden Takardu. A shekarar 2007, a karshen mulkin mai gidansa, ya zama Babban Sakatare kuma Kodinetan Ayyuka na Gidauniyar Dakin karatun shugaban ƙasa Olusegun Obasanjo (OOPLF). Zamansa a OOPLF ya kare a watan Maris 2013.

Nasarar sana'a

Nasarorin da Mista Osso ya samu a harkar bincikensa da rubutattun bayanai a Najeriya sune kamar haka: Kafa dakin karatu na jarida a Cross River Media Corporation, Calabar, tun daga 1975 zuwa 1984. Laburaren Bincike na Newsmedia a Mujallar Newswatch, da ke Ikeja, Legas, ta yi aiki daga 1984 zuwa 1998, tare da buga Encyclopediar Tarihin Rayuwar yan Nigeria (Newswatch), mai take "Wane ne wane a Najeriya?" a shekarar 1990, da yunƙuri da tsare tsare da kuma haɗin gwiwa sa da tsohon shugaban Najeriya, Cif Olusegun Obasanjo, don gabatar da ɗakin karatu na farko na shugaban kasa a Afirka, ɗakin karatu na Olusegun Obasanjo. Nasarar buga rubuce-rubucen Dele Giwa, ɗan jarida ɗan Najeriya na farko da ya kai ga kisan gilla ta hanyar wasiƙar bam, a ƙarƙashin taken "Parallax Snaps: Rubutun Dele Giwa (1998).

Kyaututtuka da karramawa

A cikin watan Satumba na shekarar 2022, Jami'ar Afirka ta Amurka ta ba shi lambar girmamawa ta alfarmar Doctor of Philosophy (PhD).