Hamzat Ahmadu

Hamzat Ahmadu (1924 - May 1, 2016) ma'aikacin diflomasiyya ne kuma ma'aikacin gwamnati.Ya kasance jakada a Tarayyar Soviet (1975-1978), Jamus ta Gabas (1975-1978), Netherlands (1978-1981), Kamaru (1982-1984), da kuma Amurka (1987-1991) a lokuta daban-daban a aikinsa na diflomasiyya. Ya kuma yi aiki a matsayin Babban Kwamishinan Bahamas daga 1987 zuwa 1990.

Hamzat Ahmadu
Rayuwa
Haihuwa	1930
Mutuwa	1 Mayu 2016
Sana'a
Sana'a	Mai wanzar da zaman lafiya

Ahmadu in Amsterdam, 1979

Farkon rayuwa da Karatu

Ahamadu ɗan asalin jihar Sokoto a yau ya fara aiki ne a lokacin mulkin mallaka na Ingila a matsayin ma'aikaci a sakatariyar Najeriya, ofishin lardin Kaduna da Kano da Lugard Hall da kuma majalisar dokokin Arewacin Najeriya da ke Kaduna.

Sannan ya yi karatu a jami'o'i a ƙasar Ingila har zuwa shekarar 1958.

Ayyuka

A shekarar 1958, Ahmadu ya kuma dawo Najeriya daga Burtaniya ya koma aikin Mulkin Mallaka. An ɗauke shi aiki a matsayin Sakatare mai zaman kansa na Firayim Minista na Arewacin Najeriya.

Baya ga kuma muƙaminsa na jakada, Ahmadu ya riƙe muƙamai da dama a ma'aikatar diflomasiyya ta ƙasar, inda daga nan ya tsara da kuma tafiyar da harkokin Najeriya a ƙasashen waje.

Matsayinsa a cikin Ma'aikatar Harkokin Waje da Harkokin Diflomasiyya sun haɗa da Daraktan Afirka, Ofishin Jakadancin da Yarjejeniya (1964-1966), Daraktan Sashen Asiya (1965-1966), Darakta Janar na Yarjejeniya (1981-1982), da Darakta-Janar. Harkokin Afirka (1984-1985). Sannan aka naɗa shi Babban Sakatare kuma Shugaban Ma’aikatar Diflomasiya daga 1986 zuwa 1987.

Jakada

An kuma ba Hamzat Ahmadu matsayin jakada a Tarayyar Soviet da Jamus ta Gabas daga 1975 zuwa 1978. Daga nan ya zama jakada a Netherlands daga 1978 zuwa 1981 da kuma jakadan Kamaru a maƙwabciyarta daga 1982 zuwa 1984.Ya kuma riƙe muƙamin diflomasiyya a Bonn, Jamus ta Yamma, da kuma London . A ranar 20 ga Yulin shekarar 1987, aka naɗa Ahmadu Ambasada Extraordinary & Plenipotentiary a United States of America, muƙamin da ya riƙe daga 1987 har zuwa kusan 1991. Ya kuma yi aiki a matsayin Babban Kwamishinan Najeriya a Commonwealth na Bahamas.

The Guardian

Daga baya Ahmadu ya yi aiki a matsayin mai ba da shawara ga hukumar editan jaridar The Guardian har zuwa rasuwarsa a shekarar 2016.

Rayuwar sirri

Ahmadu yana jin harshen Larabci da Ingilishi sosai, haka nan yana iya magana da Faransanci da Jamusanci.

Mutuwa

Ahmadu ya kuma rasu ne a ranar 1 ga Mayu, 2016, a wani asibiti mai zaman kansa da ke Legas, Najeriya. Ya bar matarsa da ‘ya’yansa.Anyi jana'izar sa da kuma sallar jana'izar sa a fadar sarkin musulmi dake Sokoto.