Francis Nwifuru

Francis Ogbonna Erishi Nwifuru (an haife shi 25 ga Fabrairu 1975) ɗan siyasan Najeriya ne, lauya, ɗan kasuwa kuma mai gudanarwa wanda shine gwamnan jihar Ebonyi na yanzu tun daga 2023. Ya taba rike mukamin Kakakin Majalisar Jihar Ebonyi na wa’adi biyu daga watan Yuni 2015 zuwa Mayu 2023. Ya fito daga Oferekpe Agbaja a karamar hukumar Izzi ta jihar Ebonyi. Nwifuru ya wakilci mazabar Izzi ta yamma a majalisar dokokin jihar Ebonyi tsakanin 2011 zuwa 2023. Ya kasance mataimakin babban mai shari’a na majalisar dokokin jihar Ebonyi ta 4 (2011-2015). A lokacin ya rike mukamin shugaban kwamitin majalisar dokokin jihar Ebonyi mai kula da filaye, safiyo, raya birane da muhalli. Tafiyar sa zuwa majalisar dokokin jihar a karkashin jam’iyyar PDP ne, har zuwa shekarar 2020, inda ya koma jam’iyyar All Progressives Congress (APC).

Francis Nwifuru
Governor of Ebonyi State (en) 2023 - ← David Umahi
Rayuwa
Haihuwa	Najeriya, 1975 (48/49 shekaru)
ƙasa	Najeriya
Harshen uwa	Harshen, Ibo
Karatu
Makaranta	Ebonyi State University
Harsuna	Turanci Pidgin na Najeriya Harshen, Ibo
Sana'a
Sana'a	ɗan kasuwa da ɗan siyasa
Imani
Addini	Kiristanci
Jam'iyar siyasa	All Progressives Congress

Hoton francia ogbonna

dan siyasan Francis Nwifuru

Ilimi

Ogbonna Nwifuru ya shiga makarantar firamare ta garin Oferekpe Agbaja a shekarar 1991. Ya ci gaba da dagewa wajen neman ilimi, ya kai ga shiga makarantar sakandare ta Community, Nwofe Agbaja a shekarar 1999. Ya shiga Jami’ar Jihar Ebonyi, Abakaliki, inda ya karanta Fasahar Gine-gine da Aikin Itace.

Nwifuru ya sami digiri na biyu a fannin siyayya, dabaru da sarrafa sarkar samarwa daga Jami'ar Salford, Manchester, United Kingdom a watan Yuni 2021.

Siyasa

A shekarar 2007 ya tsaya takarar dan majalisar jihars a majalisar dokokin jihar Ebonyi, amma ya sha kaye.

Daga baya an nada shi a matsayin Tsohon Mamba na Jam’iyyar Peoples Democratic Party (PDP), a Jihar Ebonyi.

A watan Maris din 2011, ya sake yin yunkuri na biyu, inda ya lashe zaben wakiltar mazabar Izzi ta Yamma a majalisar dokokin jihar Ebonyi.

A wancan lokacin, ya zama Mataimakin Babban Mai Shari'a Shugaban Kwamitin Majalisar kan Filaye, Bincike, Ci gaban Birane, da Muhalli.

An sake zabar shi a shekarar 2015 kuma a matsayin shugaban majalisar na 5.  Haka kuma an sake zaben shi a kan mukamai iri daya a 2019;  don haka ya zama mamba daya tilo da ya dawo a matsayin kakakin majalisar har sau biyu a tarihin majalisar dokokin jihar Ebonyi.

A shekarar 2020, an zabe shi a matsayin Mataimakin Shugaban Majalisar Dokokin Jahohin Kudu Maso Gabashin Najeriya.

Gwamna

A matsayinsa na dan takarar jam’iyyar All Progressives Congress a zaben gwamnan jihar Ebonyi na 2023, Nwifuru ya samu kuri’u 199,131 da aka kada a kananan hukumomi 13 na jihar.

A watan Maris na 2016, an yi ta rade-radin cewa Hukumar Yaki da Yi wa Tattalin Arziki Tu’annati (EFCC) ta kama Nwifuru.

Sai dai ya musanta zargin.

Nwifuru ya bayyana cewa ya amsa gayyatar da hukumar EFCC ta yi masa ne kawai a ofishinta na shiyyar Kudu maso Gabas da ke Enugu.