Doris Uzoka-Anite

Doris Nkiruka Uzoka-Anite (an haifeta ranar 16 ga watan Oktoba, 1981) yar siyasar Najeriya ce, likita kuma kwararra kan harkokin kuɗi, wacce ta taɓa riƙe muƙamin ministar Ma'aikatar Masana'antu, Kasuwanci da Saka hannun jari na Najeriya tun 2023.

Doris Uzoka-Anite
Rayuwa
Haihuwa	Imo, 16 Oktoba 1973 (50 shekaru)
ƙasa	Najeriya
Karatu
Makaranta	Jami'ar Benin
Harsuna	Turanci Harshen Ibo Pidgin na Najeriya
Sana'a
Sana'a	ɗan siyasa, Ma'aikacin banki da likita

Rayuwar farko da ilimi

An haifi Doris Nkiruka Uzoka a ranar 16 ga Oktoba 1981 a Orsu-Obodo, Oru Clan, Oguta, Jihar Imo, Najeriya. Ta yi karatunta a fannin likitanci a Jami'ar Benin kuma ta zama ƙwararriyar likita a shekara ta 1999. Daga baya, ta sami takardar shedar Chartered Financial Analyst (CFA).

Sana'a

Uzoka-Anite ta fara aikinta na banki a sashin bankin Zenith Bank Corporate Social Responsibility (CSR) sannan ta jagoranci sashen horar da ma'aikata da horarwa. A cikin 2011, ta canza zuwa (Treasury) kuma daga baya aka naɗa ta ma'ajin bankin a shekarar 2017. A watan Maris 2021, Gwamna Hope Uzodinma ya naɗa ta kwamishiniyar kuɗi kuma ko’odinetan tattalin arziki ta jihar Imo.

A ranar 27 ga Yuli, 2023, ta kasance ɗaya daga cikin su 28 na farko da shugaban ƙasa Bola Tinubu ya aika wa majalisar dattawa domin tantancewa.

A ranar Litinin, 21 ga watan Agusta, 2023, Shugaba Bola Tinubu ya rantsar da ita a matsayin ministar masana’antu, kasuwanci da zuba jari na Tarayyar Najeriya.