Cletus Komena Emein

Cletus Komena Emein ya kasance Gwamnan Jihar Neja a Najeriya, daga ranar 9 ga watan Disamba 1993 zuwa 22 ga watan Agusta shekarar 1996. Ya zama mamba a kwamitin Neja-Delta, wanda aka ɗora wa alhakin magance tashe-tashen hankula a yankin da ake haƙo mai, a watan Satumban shekara ta 2008.

Cletus Komena Emein
Gwamnan jahar Niger 9 Disamba 1993 - 22 ga Augusta, 1996 ← Musa Inuwa - Simeon Oduoye →
Rayuwa
Haihuwa	1948 (75/76 shekaru)
ƙasa	Najeriya
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa

Gwamnan jihar Neja

A matsayinsa na gwamnan jihar Neja an san shi da zuwa aiki ba tare da wani mai gadi ba (shi kaɗai). A shekarar 1994 ya tsige Etsu Muhammadu Attahiru na Masarautar Agaie bisa zarginsa da kashe shugaban ƙaramar hukumar Agaie Alhaji Ibrahim Tsadu. Daga baya an wanke Attahiru daga zargin. Ya yi ritaya ya na riƙe da muƙamin Birgediya-Janar.

Ayyuka

Cletus Emein ya zama shugaban (Reach Engineering & Diving Services), kamfanin da ke da hannu wajen kula da rijiyoyin mai a teku.

A watan Oktoban 2004, Cletus Emein da sauran shugabannin Ijaw sun nemi wata tawaga daga gwamnatin Burtaniya da ta kawo wa kamfanin Shell shawara don gujewa rikici a yankin ta hanyar daina cin gajiyar mutanen Neja Delta.

A watan Afrilun 2005 Cletus Emein ya yi kira ga Gwamnatin Tarayya da ta tabbatar da cewa kamfanonin mai da ke aiki a yankin Neja-Delta sun bi haƙƙin su na shari’a ga al’ummomin yankin, tare da sanya hukunci mai tsanani kan rashin bin ƙa’ida.

Da yake magana game da taron masu ruwa da tsaki na yankin Neja Delta da shugaba Olusegun Obasanjo ya kira a watan Afrilun 2006, Janar Cletus Emein ya ce ba ya adawa da tattaunawa. Duk da haka, dole ne Gwamnatin Tarayya ta riga ta san cewa an mayar da al’ummar Neja-Delta, musamman ƴan kabilar Ijaw sosai. A cikin watan Mayun 2008, da yake magana a matsayin mamba kuma mai ba da shawara kan zaman lafiya da tsaro na Majalisar Dattawan Izon a Jihar Delta, Cletus Emein ya yi kira ga tsagerun da rundunar haɗin guiwa ta Sojoji da su kame domin kauce wa cutar da al’ummar Ijaw a yankin. Ya yi kira ga Gwamnatin Tarayya da ta kafa kwamitin da zai tantance musabbabin rikicin na baya-bayan nan tare da ba da shawarar yadda za a kaucewa sake faruwar lamarin a gaba. A watan Satumban 2008 Gwamnan Jihar Delta Emmanuel Uduaghan ya naɗa Janar Cletus Emein a kwamitin Neja Delta a matsayin wakilin ƙabilar Ijaw.