Ahmed Nuhu Bamalli

Ahmed Nuhu Bamalli (an haife shi takwas 8 ga watan Yuni, shekara ta alif ɗari tara da sittin da shida 1966), miladiya.

Ahmed Nuhu Bamalli
Rayuwa
Haihuwa	Zariya, 8 ga Yuni, 1966 (58 shekaru)
ƙasa	Najeriya
Ƙabila	Hausawa
Harshen uwa	Hausa
Karatu
Makaranta	Jami'ar Ahmadu Bello
Harsuna	Turanci Hausa Pidgin na Najeriya
Sana'a
Sana'a	Mai wanzar da zaman lafiya

Mai martaba Sarkin Zazzau Ahmed Nuhu Bammali tare da Gwamnan Kaduna Nasir Ahmed El-rufai

jami'in diflomasiyya ne na Najeriya, Banki, basaraken gargajiya kuma lauya sannan tsohon jakadan najeriya a kasar Thailand wanda shi ne Sarkin Zazzau na goma sha tara 19, masarautar gargajiya a Najeriya da ke da hedikwata a Zariya, Jihar Kaduna, Najeriya. Shi ne Sarki na farko daga gidan Mallawa da ke mulki tun bayan barin mulki a hannun gidan tsawon ƙarni daya baya, biyo bayan rasuwar sarkin lokacin a shekarar alif dubu daya da dari tara da ashirin 1920,(shekara dari 100 baya), ga kakansa, Sarki Alu Dan Sidi.

Farkon Rayuwa Da Ilimi

An haifi Ahmed a garin Kwarbai Zaria, jihar Kaduna, Najeriya. Shine ɗan fari ga Nuhu Bamalli . Ahmed ya yi karatu a Jami'ar Ahmadu Bello da ke Zariya inda ya samu lambar (LLB) a shekara ta alif dubu daya da dari tara da tamanin da tara 1989, sannan ya yi Digiri na biyu a kan Harkokin Ƙasa da Ƙasa da diflomasiyya daga jami'ar a shekara ta alif dubu biyu da biyu 2002. Ya sami difloma a fannin gudanarwa daga jami'ar kimiyya da fasaha ta jihar Enugu a shekarar alif dubu daya da dari tara da casa'in da takwas 1998.

Ahmed yayi karatu a ɓangare da yawa na duniya; misali kan warware rikice-rikice a Jami'ar York (Birtaniya) a cikin shekarar alif dubu biyu da tara 2009, Yayi Diploma a fannin jagoranci daga Jami'ar Oxford (UK) a shekara ta alif 2015. Ya kuma sami GMP daga jami'ar Harvard Business School, a shekara ta 2011.

Rayuwa Da Kwarewa

Ahmed shi ne sarki na farko daga gidan mulkin Mallawa a cikin shekaru 100, bayan rasuwar Alh Shehu Idris.

Ya yi aiki a harkar banki kuma a matsayin Babban Darakta sannan daga baya ya rike mukamin Manajan Darakta na Kamfanin Kula da Tsaro da ɗab'i da ma'adanai na Najeriya.

Ya kasance kwamishina na dindindin a Hukumar Zabe Mai Zaman Kanta ta Jihar Kaduna a shekarar alif dubu biyu da goma sha biyar 2015. Har zuwa lokacin da aka nada shi a matsayin sabon sarkin Zazzau, Ahmed ya rike sarautar Magajin Garin Zazzau kuma ya yi aiki a matsayin Jakadan Najeriya a Thailand, tare da amincewa da Myanmar a lokaci guda.

Ya zama sabon sarkin Zazzau a ranar bakwai 7 ga watan Oktoba,shekara ta alif dubu biyu da ashirin 2020. Shine ɗan fari na Nuhu Bamalli (Magajin Garin Zazzau).