Blessing Onuh

Blessing Onyeche Onuh (an haife ta a ranar 30 ga watan Yuni shekara ta alif ɗari tara da saba'in da shida1976A.C) 'yar siyasan Nijeriya ce daga Jihar Benue. Tana wakiltar Mazabar Tarayya ta Otukpo/Ohimini a Majalisar Wakilai. Ta kasance diya ga tsohon shugaban majalisar dattawan Najeriya David Mark.

Blessing Onuh
mamba a majalisar wakilai ta Najeriya 8 Disamba 2020 - District: Otukpo/Ohimini mamba a majalisar wakilai ta Najeriya 11 ga Yuni, 2019 - 8 Disamba 2020 District: Otukpo/Ohimini
Rayuwa
Haihuwa	Benue, 30 ga Yuni, 1976 (47 shekaru)
ƙasa	Najeriya
Karatu
Makaranta	Jami'ar Lagos University of Abuja (en)
Harsuna	Turanci Pidgin na Najeriya
Sana'a
Sana'a	ɗan siyasa
Imani
Jam'iyar siyasa	All Progressives Grand Alliance

Kuruciya da Ilimi

An haifi Blessing Onyeche Onuh a ranar 30 ga watan Yunin, 1976 a Otukpo, Jihar Benue ga iyalin David Mark na Akpegedde-Otukpo. A cikin 1988, ta sami takardar shedar kammala makarantar farko daga makarantar firamaren St. Andrew, Otukpo. Sannan ta halarci Kwalejin 'Yan Mata ta Gwamnatin Tarayya da ke Gboko kuma ta kammala a shekarar 1995. Sannan kuma, ta samu gurbin karatu a fannin ilimin zamantakewar dan adam a Jami'ar Abuja a shekarar 1995 kuma ta kammala da digirin ta na farko a shekarar 1999. A yanzu haka tana karatun digirinta na uku a fannin nazarin jinsi a jami’ar Abuja.

Ayyuka

Bayan kammala digiri daga Jami'a, Blessing Onuh ta zarce bautar kasa na shekara guda inda ta yi aiki a Sashen Noma na Babban Bankin Najeriya a Jos, Jihar Filato, daga 2000 zuwa 2001. A shekarar 2005, an nada ta Mataimakiya na musamman ga karamin ministan ilimi. Daga baya an nada ta a matsayin mataimakiya ta musamman ga Minista na tsakanin Gwamnatoci, Kananan Hukumomi da Ayyuka na Musamman. Yayin da take wannan mukamin, ta yi aiki a matsayin Shugabar riko, Kwamitin Babban Birnin Tarayya kan Rahama da yafiya.

Sannan aka naɗa ta sakatariyar walwala da jin daɗi na Babban Birnin Tarayya. A shekarar 2018, ta yi takarar dan majalisar wakilai na mazabar Otukpo/Ohimini a karkashin jam'iyyar People's Democratic Party a jihar Benue amma ta rasa zaben a zaben share fage ga kawun ta Johnson Ahubi. Ta bar jam’iyyar ta koma jam'iyyar APGA. Daga nan ta yi takara da APGA sannan ta zama mamba a majalisar wakilai mai wakiltar mazabar tarayya ta Otukpo/Ohimini.A cikin watan Febrerun 2021, Onuh ta koma jam'iyyar APC, bayan ta hangi matsaloli a jagorancin jam'iyyar APGA.

Rayuwar Kai

Blessing ta auri Dakta Innocent Onuh, wani likita ne daga Obotu-Ugboju, karamar Hukumar Otukpo a shekarar 1999. Ubangiji ya albarkaci auren da kyawawan yara guda uku.