Ban Ki-moon
Ban Ki-moon (Haihuwa 13 Yunin shekarar 1944) dan siyasa na na kasar South Korea kuma ma'aikacin harkokin kasa da kasa wanda yayi aiki a matsayin Babban Sakatare na majalisar dinkin duniya na 8, daga shekara ta 2007 zuwa shekara ta 2016. Kafin ya zamo babban sakatare na majalisar dinkin duniya, Ban Ki-Moon ya kasance dan demukradiya na Ma'aikatar Harkokin Waje na Korea ta Kudu da kuma Majalisar Dinkin Duniya. Ya shiga harkar siyasa na kasa da kasa ne bayan kammala karatun sa na jami'a inda ya fara aikinsa na farko a New Delhi, Indiya.
_-_Sash_of_Grand_Collar.svg){kind=small}
_-_ribbon_bar.gif){kind=small}
.svg){kind=small}
_-_Crosses.svg){kind=small}
_-_ribbon_bar.gif){kind=small}
Ban ya kasance minista na harkokin kasashen waje na Korea ta Kudu a tsakanin shekara ta 2004, zuwa 2006. A cikin watan Febrerun 2006 ne, Ban ya fara takarar kujerar babban sakatare a majalisar dinkin duniya. An dauki Ban a matsayin wadda bai dace da kujerar ba a farkon lamari. Amma a matsayin sa na ministan harkokin kasahen waje na Korea ta Kudu, Ban yayi amfani da wannan dama ya zagaye duka kasashen dake karkashin majalisar dinkin duniya, hakan ya masa amfani a siyasance.
A ranar 13 ga watan Oktoban shekara ta 2006 ne, Majalisar Dinkin Duniya ta zabi Moon a matsayin babban sakatare na kungiyar.A ranar 1 ga watan Janairun shekara ta 2007 ne, Moon ya amshi ragamar mulkin daga hannun Kofi Annan. A matsayin sa na babban sakatare na majalisar, ya dauki ragamar ayyuka da dama ta fannin zaman lafiya da kuma daukan ma'aikata daga sassa daban daban na duniya. A siyasance, Ban ya dauki tsatstsaurar ra'ayi akan harkar dumamar yanayi inda yayi ta zantawa da shugaban kasan Amurka, George W Bush, da kuma Rikicin Darfur, inda ya taimaka wajen janyo hankalin shugaban kasar Sudan, Omar al-Bashir da ya bar sojojin kwantar da tarzoma na Majilasar Dinkin Duniya su shiga Kasar.[1][2]
An sanya Ban na 32 a cikin jerin shahararrun mutanen duniya a jerin sunaye na Forbes a shekara ta 2013. Sannan shine na farko a cikin jerin mutanen Koriya ta Kudu.[3]A cikin shekara ta 2014 ne aka sanya shi na uku daga cikin shahararrun mutanen Koriya ta Kudu, a bayan Lee Kun-hee da Lee Jae-yong.[4] A cikin shekara ta 2016 ne, Mujallar Foreign Policy ta sanya Ban acikin jerin masu Zurfin Tunani na Mutum 100 na Duniya, bayan ya taimaka wajen kaddamar da Yarjejeniyar Parisa da kuma tabbatar da ta fara aiki acikin kankanin lokaci na kasa da shekara daya bayan kaddamar da ita.[5]
Manazarta
gyara sashe- ↑ Suzanne Goldenberg (27 January 2011). "Ban Ki-moon ends hands-on involvement in climate change talks". The Guardian.
- ↑ Lynch, Colum (17 April 2007). "Sudan To Allow U.N. Force in Darfur". The Washington Post.
- ↑ "Ban Ki-moon". Forbes. Archived from the original on 2 November 2013.
- ↑ "The World's Most Powerful People". Forbes. Retrieved 14 May 2016.
- ↑ "FP Global Thinkers 2016". Foreign Policy. 12 December 2016. Retrieved 9 January 2017.