Rakiatou Kaffa-Jackou

Rakiatou Christelle Kaffa-Jackou (an haife ta a shekara ta 1965) injiniya ce kuma ƴar siyasa a Nijar wadda ta yi minista mai kula da yawan jama'a tun shekarar 2016.

Rakiatou Kaffa-Jackou
mutum
Bayanai
Jinsi	mace
Ƙasar asali	Nijar
Shekarun haihuwa	16 ga Maris, 1965
Uba	Sanoussi Jackou
Harsuna	Faransanci
Sana'a	ɗan siyasa
Ilimi a	National Polytechnic Institute of Toulouse (en) , École Africaine de la Météorologie et de l'Aviation Civile (en) da Jami'ar Abdou Moumouni
Ɗan bangaren siyasa	Nigerien Self-Management Party (en)

rakitou

Taro na mukaraban nigrr

Rayuwar farko da ilimi

Kaffa-Jackou ita ce babbar 'ya'ya mata hudu na ɗan siyasa Sanoussi Jackou da Françoise. Ta kuma tafi makarantar mishan 'yan mata a Yamai. 'Yar uwarta, Guimbia, ta zama Gwamnan Yamai daga baya. Ta karanci ilmin lissafi da kuma physics a jami'ar Abdou Moumouni sannan ta yi Masters a Physics. Har ila yau, tana da Diploma a Injiniya Aeronautical daga Makarantar nazarin yanayi da zirga-zirgar jiragen sama ta Afirka da Malagasy da ke Yamai sannan ta kuma yi digirin digirgir a Jami'ar Toulouse kan "ingantawa da yin samfurin tsaron filin jirgin sama".

Sana'a

Kaffa-Jackou ta yi aiki a matsayin wani ɓangare na ƙungiyar gudanarwa na filin jirgin sama na Diori Hamani kuma ta koyar a Kwalejin Kula da Sufurin Jiragen Sama na shekaru tara 9. An naɗa ta a ECOWAS da ke Abuja mai kula da lafiyar jiragen sama a ƙasashen mambobin ECOWAS. A shekarar 2001, Kaffa-Jackou ce ta ɗauki nauyin kafa kamfanin Air Niger International bisa buƙatar gwamnatin Nijar.

Kaffa-Jackou ta zama mamba a Jam'iyyar Neman Gudanar da Kai, wanda mahaifinta ya ƙirƙira. An naɗa ta mataimakiyar ministar raya masana'antu a shekarar 2013 da kuma ministar haɗin gwiwar Afirka a shekarar 2015. Shugaba Mahamadou Issoufou ne ya naɗa ta ministar yawan jama'a a shekarar 2016. A cikin watan Afrilun 2017, ta yi magana da hukumar kula da yawan jama'a da ci gaba ta Majalisar Ɗinkin Duniya a birnin New York game da ƙalubale da dabarun tafiyar da al'amuran al'umma a Nijar, tare da ƙaruwar kashi 3.9% da kashi 50% na al'ummar ƙasa da shekaru 15, kamar yadda tare da rage raɗaɗin talauci, mace-macen jarirai da mata masu juna biyu, da ƙara yawan shiga makarantu.

Rayuwa ta sirri

Kaffa-Jackou tana da aure da ’ya’ya biyar.