Delphine Zanga Tsogo

Delphine Zanga Tsogo (Disamba 21, 1935 - Yuli 16, 2020) marubuciya 'yar Kamaru ce, 'yar fafutukar kare hakkin mata kuma 'yar siyasa. Ta yi aiki a majalisar dokokin ƙasar daga shekarun 1965 zuwa 1972. Sunan aurenta Tsanga.

Delphine Zanga Tsogo
Member of the National Assembly of Cameroon (en) minister of social affairs (en) Minister of Public Health of Cameroon (en)
Rayuwa
Haihuwa	Lomié (en) , 21 Disamba 1935
ƙasa	Kameru
Mutuwa	Yaounde, 16 ga Yuli, 2020
Karatu
Harsuna	Faransanci
Sana'a
Sana'a	ɗan siyasa da marubuci
Employers	Majalisar Ɗinkin Duniya
Kyaututtuka	gani Knight of the National Order of Merit Order of Isabella the Catholic‎

Tarihin Rayuwa

An haife ta a Lomié kuma ta yi karatu a Douala, sannan ta ci gaba da karatun aikin jinya a Toulouse, Faransa. Ta koma Kamaru a shekarar 1960, tana aikin jinya a asibitoci daban-daban. A cikin shekarar 1964, an zaɓe ta shugabar Majalisar Matan Kamaru ta ƙasa. Daga shekarun 1970 zuwa 1975 ta yi aiki a matsayin mataimakiyar ministar lafiya da walwalar jama'a. Daga shekarar 1975 zuwa 1984 ta kasance ministar harkokin zamantakewar ƙasar Kamaru.

Ta yi aiki a matsayin shugabar majalisar gudanarwa na Cibiyar Bincike da Horarwa ta Majalisar Ɗinkin Duniya don Ci gaban Mata, da kuma shugabar Comité Régional Africain de Coordination pour l'Intégration des Femmes au Développement. kuma mataimakiyar shugaban majalisar mata ta duniya. An ba ta suna zuwa ga National Order of Merit Faransa.

A cikin shekarar 1983, ta rubuta littafinta na farko Vies de Femmes (Rayuwar Mata). Wannan ya biyo bayan L'Oiseau en keji (The Caged Bird) a shekara mai zuwa.