Daniel Akintonde

Kanar Daniel Akintonde (an haife shi ranar 21 ga watan Nuwamban 1949) a Jihar Filato. Ya fito ne daga Ogbomoso dake Jihar Oyo. An naɗa shi gwamnan soja a jihar Ogun ta Najeriya daga cikin watan Disambar 1993 zuwa watan Agustan 1996 a lokacin mulkin soja na Janar Sani Abacha.

Daniel Akintonde
Gwamnan jahar ogun 9 Disamba 1993 - 22 ga Augusta, 1996 ← Olusegun Osoba - Sam Ewang (en) →
Rayuwa
ƙasa	Najeriya
Harshen uwa	Yarbanci
Karatu
Makaranta	Jami'ar Tsaron Nijeriya
Harsuna	Turanci Yarbanci Hausa Pidgin na Najeriya
Sana'a
Sana'a	ɗan siyasa da soja

A 1994 Akintonde ya canza sunan Kwalejin Ilimi ta Jihar Ogun zuwa Kwalejin Ilimi ta Tai Solarin don girmama marigayi likita Tai Solarin. Akintonde na daga cikin waɗanda aka kama da hannu a juyin mulkin watan Disamba na shekarar 1997. An wanke shi daga tuhumar a ranar 20 ga watan Afrilun 1998.

Ya yi ritaya daga aikin soja a cikin watan Yunin 1999, tare da dukkan jami’an da suka taɓa riƙe muƙamin minista, gwamnoni ko masu mulki a zamanin gwamnatin Babangida, Abacha da Abubakar. A cikin watan Agustan 1999 ne Majalisar Dokokin Jihar Ogun ta gayyaci Akintonde domin ya amsa tambayoyi kan wasu kwangiloli da aka bayar a lokacin da yake mulki. An hana ƴan jarida shiga sauraron ƙarar.