Muhammad Garba

Muhammad Garba ɗan jarida ne kuma ɗan Najeriya, kuma ɗan siyasa daga jihar Kano wanda shine kwamishinan yaɗa labarai. kuma memba na Kwamitin Gudanarwa a Ƙungiyar Ƴan Jarida ta Duniya.

Muhammad Garba
Rayuwa
Haihuwa	Kano, 25 Nuwamba, 1964 (59 shekaru)
Sana'a
Sana'a	ɗan jarida

Rayuwar farko da ilimi

An haifi Muhammad a ranar 22 ga watan Nuwambar 1964 a Yakasai Quarters a Kano Municipal ta jihar Kano. Ya halarci Makarantar Firamare ta Ƙofar Nassarawa da Kwalejin Malamai, Sumaila ya yi Digiri na ɗaya da na biyu a Jami'ar Bayero Kano.

Sana'a

Muhammad ya fara aikin jarida a shekarar 1989 tare da Kamfanin Dillancin Labarai na Triumph, Kano a matsayin ɗan jarida kuma ya yi aiki a jihohi daban-daban na tarayya a matsayin wakilin. Daga baya ya girma a cikin aikinsa har ya zama Babban Edita, Editan Labaran Rukuni, da Mataimakin Edita. Ya kuma taɓa zama memba na Hukumar Edita na Jaridun Ƙasa da dama. Muhammed Garba ya riƙe muƙamai daban-daban da suka haɗa da Sakataren Yaɗa Labarai na Mataimakin Shugaban Majalisar Wakilai a shekarar 1993 da Sakataren Yaɗa Labarai na Mataimakin Gwamnan Jihar Kano Abdullahi Umar Ganduje a shekarar 1999 zuwa 2003. Ya fara fafutukar sa na ƙungiyar ne a matsayin shugaban kungiyarsa ta Chapel-The Triumph, wacce ke ƙarƙashin ƙungiyar ƴan jarida ta Najeriya (NUJ), jihar Kano. Daga baya aka zaɓe shi shugaban majalisar jiha na a wa’adi biyu kuma ya kasance mataimakin shugaban ƙungiyar na ƙasa, sannan ya zama shugaban ƙungiyar ƴan jarida ta Najeriya NUJ a shekarar 2009. Muhammad ya kasance shugaban ƙungiyar ƴan jarida ta yammacin Afirka (WAJA) wanda aka zaɓa a Bamako, Mali kuma shine shugaban ƙungiyar ƴan jarida ta Afrika (FAJ) wanda aka zaɓa a Casablanca, Morocco 2009. Muhammad memba ne na Kwamitin Gudanarwa na Ƙungiyar Ƴan Jarida ta Duniya (IFJ) wanda aka zaɓa a Dublin, Ireland. Dr Abdullahi Umar Ganduje ya naɗa Muhammad kwamishinan yaɗa labarai a shekarar 2015.