Bashir Usman Tofa

Bashir Usman Tofa
Rayuwa
Haihuwa	jahar Kano, 20 ga Yuni, 1947
ƙasa	Najeriya
Mutuwa	jahar Kano, 3 ga Janairu, 2021
Karatu
Makaranta	London Guildhall University (en)
Sana'a
Sana'a	ɗan siyasa
Imani
Jam'iyar siyasa	Babban taron jam'iyyar Republican

Bashir Usman Tofa ko kuma Bashir Othman Tofa ɗan siyasa ne a Najeriya. Musulmi kuma Kanuri wanda ya taso a birnin Kano, Tofa shi ne ɗan takarar shugaban ƙasa na jam'iyyar National Republican Convention (NRC) a zaɓen da gwamnatin soja ta Ibrahim Babangida ta shirya a shekara ta 1993. Ya rasu a ranar 3 ga Janairun, shekara ta 2022 bayan gajeriyar rashin lafiya.

Rayuwar sa

An haifi Bashir Usman tofa a Kano a ranar 20, ga watan Yuni na shekara ta alif ɗari tara da tamanin da bakwai ( 1947) miladiyya. Yayi makarantar firamare ta Shahuci Junior primary school Kano, sai ya cigaba da karatu a makarantar City Senior Primary School a birnin na Kano. Tsakanin shekara ta 1962-1966 ne , ya halarci makarantar Provincial College Kano. Bayan kammala karatu a wannan makarantar ne ya fara aiki da kamfanin Royal Exchange Insurance tsakanin shekara ta 1967-1968. Daga shekara ta 1970 zuwa shekara ta 1973 ya je makarantar City London College Tofa ya shiga harkar siyasa ne a shekara ta 1977 lokacin da yayi Kamsila a mazabar Dawakin Tofa. Sai aka sake zabarsa mamba a majalisar jaha. A jamhuriya ta biyu ne Tofa ya zama sakataren jam'iyyar NPN a jihar Kano har na wasu lokuta. Sannan kuma ya zama sakataren kudi na jam'iyyar .

A jamhuriya ta uku (3) kuma , Tofa ya hade da jam'iyyar NRC a shekara ta 1990. A 1993 lokacin Janar Badamasi Babangida yana shugaban soja a Najeriya ne ya shirya tare da gabatar da tsari OPTION A4, aka zabi Tofa a matsayin dan takarar shugaban kasa mai wakiltar kano kuma ya kayar da Pere Ajunwa da Joe Nwodu da [[Dalhatu] Sarki Tafida] a zaben fidda gwani inda ya dauki tikitin yima jam'iyyar ta NRC takara. Tofa ya yi takara da Sylvesta Ugo a matsayin mataimakin sa.

Tofa yayi rashin nasara a zaben hannun Moshood Kaahimawo Olawole Abiola, bayarbe daga yankin yammacin kasar. Amma daga bisani gwamnatin ta Babangida bata fidda cikakken sakamakon zaɓen ba.

Tofa kuma ɗan kasuwa ne , ɗan kasuwar Mai ne da kuma masana'antu. Shine shugaban kamfanin INTERNATIONAL PETRO-ENERGY COMPANY (IPEC) da kuma ABBA OTHMAN AND SONS LTD. kuma ya zama mamba a kungiyar Century Merchant Bank and General Metal Products.

Ya rasu a ranar 3 ga Janairu shekarar 2022 bayan gajeriyar rashin lafiya.