Barau I Jibrin
Sanata Barau I Jibrin (an haife shi a shekarar alif dubu daya da dari tara da hamsin da tara 1959) ɗan siyasa ne ɗan Najeriya kuma mataimakin shugaban majalisar Dattawata ta goma 10, daga jihar Kano, Najeriya.[1][2]
 Barau I Jibrin | |||||||||
|---|---|---|---|---|---|---|---|---|---|
 | |||||||||
13 ga Yuni, 2023 - District: Kano North
11 ga Yuni, 2019 - District: Kano North
9 ga Yuni, 2015 - District: Kano North
29 Mayu 1999 - District: Tarauni | |||||||||
| Rayuwa | |||||||||
| Cikakken suna | Ibrahim Barau Jibrin | ||||||||
| Haihuwa | jahar Kano, 1959 (64/65 shekaru) | ||||||||
| ƙasa | Najeriya | ||||||||
| Karatu | |||||||||
| Harsuna |
Turanci Pidgin na Najeriya | ||||||||
| Sana'a | |||||||||
| Sana'a | ɗan siyasa da ɗan kasuwa | ||||||||
| Imani | |||||||||
| Jam'iyar siyasa | All Progressives Congress | ||||||||
Yana wakilcin Gundumar Arewa ta Kano. Sanata Barau shi ne tsohon Shugaban, Kwamitin Majalisar Dattawa kan Yardajewa kuma tsohon Shugaban Kwamitin Sanatoci a Makarantun Sakandare da TETFUND a Majalisar Dattawa karo na tawas takwas 8.[2]
Farkon rayuwa da ilimi
gyara sasheBarau I Jibrin, an haife shi a shekara ta alif dubu daya da dari tara da hamsin da tara 1959, kuma shi dan asalin garin Kabo ne, a karamar hukumar Kabo ta jihar Kano .
Yana da takardar shaidar digiri a fannin lissafi, takardar shaidar digiri a cikin Gudanar da Kasuwanci da farashi, takardar digiri na biyu akan Gudanarwa da Kasuwanci (MBA). Har'ila yau, yana riƙe da takardar shaidar a cikin Gudanar da Kasuwanci don yanke shawara game da kasuwanci daga babbar jami'ar Cornell, Amurka.
Bayan kammala karatun sa na farko, Sanata yayi aiki a takaice a sashen lissafi na Gidauniyar Kano, kafin ya yi murabus a shekarar alif dubu daya da dari tara da casa'in da biyu 1992 don fara kasuwancinsa mai zaman kansa tare da fifikon masana'antu, inshora da kuma sassan tattalin arzikin Najeriya. Nasarar da ya samu a cikin kamfanoni sun shirya masa isasshe don fara aiwatar da abin da zai jawo hankalin mutanen sa ta hanyar amfani da siyasa.
Rayuwar Siyasa
gyara sasheSoyayyar Barau ga mutanensa ya sa shi yin takara a zaben shekarar alif dubu daya da dari tara da casa'in da tara 1999 zuwa Majalisar Wakilai don wakiltar mazabar Tarauni a majalisar Tarayya ta Jihar Kano, kuma yayi nasara. Yayin da yake a majalisar wakilai, ya yi aiki a matsayin Shugaban kwamitin lamuni kan Gidaje. Hakanan ya kasance memba a Kwamitin Wakilin Majalisar Wakilai kan mulki a waccan lokacin.
Bayan kammala aikinsa a majalisar wakilai, ya koma kan harkar kasuwancinsa kai tsaye, amma ba tare da ya ci gaba da sha'awar sa ba a harkar injiniyan siyasar Kano.
A shekarun baya, ya yi aiki a matsayin Shugaban Kamfanin Zuba Jari da Kayan Gida na Jihar Kano; kamfani ne da Gwamnatin Jihar Kano ta mallaka.
Ya taba zama Kwamishina Kimiyya da Fasaha a Jihar Kano. An nada shi a shekara ta alif dubu biyu da daya 2001 don zama mamba a kwamitin da tsohon shugaban kasa Olusegun Obasanjo ya kafa domin sake nazarin tsarin Kasafin kudin Najeriya. A shekarar alif dubu biyu da tara 2009, Gwamnatin Jihar Kano ta nada shi a matsayin mamba a Kwamitin Binciken Kasuwancin Jihar Kano; wani matsayi wanda ya sa aka sanshi sosai.
Bayan dawowar sa zuwa zaben fidda gwani a shekarar alif dubu biyu da goma sha biyar 2015, Sanata Barau ya tsaya takara ya kuma lashe zaben majalisar dattijai na Tarayyar Najeriya, wanda ya wakilci gundumar Sanatan Kano ta Arewa a karkashin inuwar jam'iyyar All Progressives Congress . An nada shi ne a wannan shekarar a matsayin Mataimakin Shugaban Kwamitin Rukunin Albarkatun Man Fetur (Downstream) na Majalisar Dattawa, daga baya ya zama Shugaban Kwamitin guda.
A shekarar 2016, aka sake shi a kwamitin Majalisar dattijai a makarantun sakandare da TETfund a matsayin Shugaban Kwamitin.
Kari a aiyukan sa na Majalisar Dattawa, shi memba ne a Kwamitin Yankin Neja Delta, Masana'antu, Sufuri na kasa.
Shine kuma Sakataren kungiyar Sanatocin Arewa.
Rayuwar kashin kai
gyara sasheYa yi aure yana da yara.
Nasarori
gyara sasheSanatan Arewa na shekara ta 2017 da na Sanatocin Majalisar Dattawan Najeriya.