Alfred Rewane

Alfred Rewane, (Agusta 24, 1916 - Oktoba 6, 1995) ɗan kasuwan ne ɗan Najeriya. An kashe shi a ranar 6 ga watan Oktoba, 1995 a gidansa da ke Ikeja, Legas. Ya kasance mai kula da kuɗin NADECO kuma makusanci ne ga Obafemi Awolowo.

Alfred Rewane
Rayuwa
Haihuwa	24 ga Augusta, 1916
ƙasa	Najeriya
Mutuwa	6 Oktoba 1995
Karatu
Harsuna	Turanci Pidgin na Najeriya
Sana'a
Sana'a	ɗan kasuwa

Tarihin rayuwa

Cikakken sunan Rewane lokacin haihuwa shine Ogbeyiwa Erewarone, an haife shi a Warri ga dangin Jemide Erewarone. Mahaifinsa ɗan kasuwa ne wanda ke zaune a Agbor, lokacin da mahaifinsa baya Warri, Rewane ya zauna tare da kawunsa, a lokacin kuma shi ne ya raɗa ma Rewane suna na farko; Alfred.

Karatu

Ya yi karatu a African School sannan ya yi makarantar gwamnati duk a Warri. Kodayake an shigar da shi Makarantar Grammar Dennis Memorial don karatun sakandare, Rewane bai ci gaba da karatunsa ba.

Aiki

Ya fara aikinsa a matsayin mai horar da manaja tare da UAC kuma ya zama mai kula da bakin teku, Legas Customs Wharf na kamfanin. A cikin 1940s ya bar kamfanin UAC, inda ya mayar da hankali kan shigo da kayayyaki, musamman ƙashin saniya da baƙin barkono, sannan a cikin 1950s, ya kuma shiga kasuwancin harakar katako kuma ya mallaki gidan Rex a Yaba, Legas inda Bobby Benson ya kasance mawaƙi na yau da kullun. A lokacin kafin samun yancin kai a Najeriya, Rewane na da alaƙa da Action Group, ya zama shugaban Kamfanin Raya Yammacin Najeriya wanda ƙungiyar Action Group ke jagorantar gwamnatin yankin.

A cikin shekarun 70s, Rewane ya haɓaka jerin kasuwanci a haɗin gwiwar Sapele tare da Ƙungiyar Seaboard na Amurka. Kamfanonin sun haɗa da masana'antar fulawa ta Life Flour mills, West African Shrimps and Top Feeds.

A shekarun 1990, gidan Rewane a Legas ya kasance wurin taron siyasa wanda ya kai ga kafa NADECO. An san shi a matsayin babban mai kula da kuɗi a ƙungiyar da ke nuna adawa da gwamnatin soja ta Sani Abacha. Rundunar ƴan sandan Najeriya ta kama mutane 7 da ake zargin suna da hannu a kisan sa amma 5 daga cikin waɗanda ake zargin sun mutu a lokacin da ake tsare da su, sauran biyun kuma an sake su ne bisa wasu ƙwararan hujjoji daga masu gabatar da ƙara.