Yvonne Tsikata

Yvonne Tsikata masaniya ce a fannin tattalin arzikin Ghana kuma a halin yanzu tana aiki a matsayin mataimakiyar shugaban bankin duniya kuma sakataren kamfanoni. Ta taɓa zama shugabar ma’aikata kuma Darakta a ofishin shugabar rukunin bankin duniya. Yvonne kuma ita ce darektar sashen Rage Talauci da Sashen Gudanar da Tattalin Arziki na Turai da Yankin Asiya ta Tsakiya.

Yvonne Tsikata
Rayuwa
Haihuwa	Ghana, 1963 (60/61 shekaru)
Karatu
Makaranta	Wesley Girls' Senior High School Bryn Mawr College (en) New York University (en)
Sana'a
Sana'a	Mai tattala arziki
Mahalarcin IMF 2018 Annual Meetings (en)
Employers	New York University (en) United Nations University (en) Organization for Economic Cooperation and Development (en) Bankin Duniya

Rayuwar farko da ilimi

Tsikata ta yi karatun sakandare a Wesley Girls' High School. Ta yi karatun digiri na farko a Kwalejin Bryn Mawr da ke Pennsylvania. Ta sami digiri na biyu a fannin tattalin arziki daga Jami'ar New York.

Sana'a

Yvonne ta fara aikinta a matsayin Malama na ka'idar kuɗi da ka'idar tattalin arziki a Jami'ar New York. Ta yi aiki da Kungiyar Haɗin Kan Tattalin Arziki da Ci Gaba a birnin Paris da kuma Cibiyar Bincike kan Tattalin Arzikin Duniya na Jami'ar Majalisar Dinkin Duniya da ke Helsinki.

Yvonne ta shiga rukunin Bankin Duniya a shekara ta 1991. Kafin ta shiga ofishin shugaban bankin duniya a watan Satumban 2013, Tsikata ta kasance Darakta mai kula da manufofin tattalin arziki a yankin Turai da tsakiyar Asiya. Ta yi aiki a matsayin Daraktar ta Ƙasa na Caribbean a yankin Latin Amurka. Ta ziyarci Haiti a madadin bankin duniya bayan girgizar ƙasa a ƙasar.

A cikin shekarun 1998 da 2001, yayin da take hutu daga rukunin Bankin Duniya, ta yi aiki a matsayin babbar jami'in bincike a Cibiyar Nazarin Tattalin Arziki da Zamantakewa a Dar es Salaam, Tanzania; a matsayin mai ba da shawara ga Kungiyar Haɗin gwiwar Tattalin Arziki da Ci Gaba a Paris; da kuma zuwa Cibiyar Nazarin Ci gaban Tattalin Arziki ta Duniya na Jami'ar Majalisar Dinkin Duniya da ke Helsinki.