Patricia Etteh

Patricia Olubunmi Foluke Etteh (an haife ta ranar 17 ga watan Agusta, 1953) ita ce Shugabar Majalisar Wakilan Nijeriya daga watan Yuni zuwa watan Oktoban shekara ta 2007.

Patricia Etteh
mamba a majalisar wakilai ta Najeriya, ga Yuni, 2011 - District: Ayedaade/Irewole/Isokan Kakakin Majalisar Wakilan Najeriya 6 ga Yuni, 2007 - 30 Oktoba 2007 ← Aminu Bello Masari - Dimeji Bankole → mamba a majalisar wakilai ta Najeriya, 1999 -
Rayuwa
Haihuwa	17 ga Augusta, 1953 (71 shekaru)
ƙasa	Najeriya
Karatu
Makaranta	Jami'ar Abuja
Sana'a
Sana'a	ɗan siyasa
Imani
Jam'iyar siyasa	Alliance for Democracy (en) Peoples Democratic Party

Rayuwar farko da ilimi

Patricia Etteh

Etteh, Bayarabiya ce an haife ta kuma a ranar 17 ga watan Agusta shekarar 1953. Ta yi karatu akan gyaran gashi da kuma mai ilmin gyaran jiki, amma kuma ta samu digirin lauya daga Jami’ar Bukingham da ke Ingila kuma ta zama Lauyan Najeriya a shekarar 2016.

Harkar siyasa

Etteh na wakiltar mazaɓar Ayedaade / Isokan / Irewole a jihar Osun Da farko an zaɓe ta a shekarar 1999 a matsayin mamba ta Alliance for Democracy (AD), amma ta sauya sheka zuwa jam’iyyar Peoples Democratic Party (PDP) lokacin da ta sake tsayawa takara a 2003. An zaɓe ta a matsayin kakakin majalisa gaba ɗaya ga watan Yunin 2007, kuma ita ce mace tilo da ta taba rike wannan mukamin a cikin gwamnatin Najeriya.

Badaƙalar cin hanci da rashawa

A watan Satumbar 2007, ta fuskanci wani kwamiti na 'ƴan majalisar kan zarge-zargen cewa ta ba da izinin kashe Naira miliyan 628 (kwatankwacin dalar Amurka miliyan 5) a kan gyaran gidanta da na mataimakinta, da kuma sayen motocin hukuma guda 12 da aka tanada don Majalisar Wakilai. An zarge ta da satar yayinda take ƙoƙarin yin magana a cikin majalisar, kuma an fitar da ita ta hanyar tsaro yayinda lamarin ya rikiɗe zuwa tashin hankali, duk da cewa ba a gurfanar da ita a hukumance ba.

A hukumance PDP ta cigaba da mara wa Etteh baya, kodayake wasu mambobin, kamar Isyaku Ibrahim, sun soki wannan matsaya. Marubuci kuma malami Wole Soyinka na daga cikin waɗanda suka yi kira da ta yi murabus, yayinda tsohon Shugaban kasa kuma dan jam’iyyar PDP Olusegun Obasanjo ya cigaba da mara mata baya. A ranar 30 ga Oktoba, bayan matsin lamba na makonni, Etteh ta yi murabus daga matsayinta na kakakin majalisa. Mataimakin ta, Babangida Nguroje shi ma ya yi murabus. Koyaya a wurin zama na karshe na zaman majalisar wakilai karo na 6, an amince cewa "Babu wani rikodi ko cigaban majalisar inda aka taba gurfanar da Patricia Olubunmi Etteh,"