Farida Jalal

Farida Jalal (An haife ta ranar 2 ga watan Nuwambar, shekara ta alif ɗari tara da tamanin da biyar 1985) na Miladiyya. A birnin Katsina. Ƴar wasan fim ce a masana'antar fina-finan Arewacin kasar Najeriya da aka fi sani da Kannywood.

Farida Jalal
Rayuwa
Haihuwa	Jihar Katsina, 2 Nuwamba, 1985 (38 shekaru)
ƙasa	Najeriya
Ƙabila	Hausawa
Karatu
Harsuna	Hausa
Sana'a
Sana'a	ɗan wasan kwaikwayo, Jarumi, gospel singer (en) da ɗan kasuwa

Rayuwar farko da ilimi

An haifi Farida Jallal ne a ranar 2 ga watan Nuwamba, shekarar 1985 a birnin Katsina, Jihar Katsina. Farida ta taso ne kuma ta yi karatu a jiharta ta Katsina inda daga baya ta koma jihar Kano ta fara sana’ar fim a masana’antar fina-finan Hausa ta Kannywood.

Sana'a

Farida ta shiga harkar fim ne a shekarar 2002 inda ta fito a manyan fina-finan masana’antu na lokacin kamar Yakana, Sansani da Madadi. An dakatar da Jaruma Farida Jallal daga yin fim na wasu lokuta saboda hana wasu jaruman fina-finai da gwamnatin jihar Kano ta yi. A Shekarar 2019, Farida har ta sake fitowa a Kannywood. A lokacin ta bayyana cewa ta dawo harkar fim har ma ta sanar da cewa nan ba da daɗewa ba za ta fitar da fina-finanta. A wata hira da ta yi da BBC Hausa, Farida ta bayyana cewa har yanzu ana cin moriyarta a masana'antar Kannywood. A cikin wata hira da jaruma Farida Jallal ta bayyana cewa a halin yanzu tana mai da hankali kan waƙoƙin Bisharar Musulunci.

Fina-finai

Farida Jalal ta zayyano waɗansu finafinai da tayi. Sun haɗa da;

• Sansani
• Yakana
• Raga
• Jan Kunne
• Farashi
• Dan Zaki
• Lugga
• Tutarso
• Namshaza
• Gidauniya
• Kumbo.

Da sauransu da dama a cewar ta.

Rayuwa ta sirri

Farida tayi aure ta haifi ƴaƴa biyu, amma ɗaya daga cikin ‘ya’yanta ya rasu. Farida bata da aure a halin yanzu.