Cynthia Akuetteh

Cynthia Akuetteh (an haifi Cynthia Helen Archie a shekara ta 1948) jami'ar diflomasiyya ce kuma ta kasance Jakadiyar Amurka a São Tomé da Principe kuma jakadar Amurka a ƙasar Gabon.

Cynthia Akuetteh
Rayuwa
Haihuwa	1948 (75/76 shekaru)
ƙasa	Tarayyar Amurka
Ƙabila	Afirkawan Amurka
Karatu
Makaranta	Long Island University (en) School of International and Public Affairs, Columbia University (en)
Sana'a
Sana'a	Mai wanzar da zaman lafiya

Cynthia Akuetteh

Cynthia Akuetteh tare da Mathias Otounga Ossibadjouo.

Rayuwar farko da ilimi

An haifi Akuetteh Cynthia Helen Archie a birnin Washington, DC ga Richard Louis Archie II da Sallie Dolores Hines. Ta sami digiri na BA a fannin tarihi, tare da samun karramawa daga CW Post College na Jami'ar Long Island a 1970, kuma an ba ta digiri na biyu a (National Security Resource Policy) daga Jami'ar Tsaro ta Kasa a 1973. Akuetteh ta kammala karatun digiri na shekaru biyu a Jami'ar Columbia.

Sana'a

Akuetteh ta fara aiki tare da Peace Corps. Aikinta na farko shine Jami'ar Shirye-shirye a Washington, DC Daga nan ta koma Ghana a matsayin mataimakiyar Daraktar shirin a can. Bayan Akuetteh ta shiga ma'aikatar harkokin wajen Amurka a shekarar 1984, ta gudanar da ayyuka da dama na ƙasa da ƙasa a ƙasashen; Nijar, Tanzania, Canada da Venezuela . Yawancin ayyukanta na baya sun mayar da hankali kan nahiyar Afirka. Ta yi aiki a matsayin mataimakiyar darakta mai kula da manufofin tattalin arziki na ofishin Afirka, sannan ta zama daraktar ofishin kula da harkokin Afirka ta tsakiya, inda ta riƙa kula da hulɗar dake tsakanin ƙasashen biyu da ƙasashe goma na Afirka. Ta kuma kasance mataimakiyar sakataren harkokin Afirka daga shekara ta 2012 zuwa 2013. A shekara ta 2012 ta jagoranci tawagar Amurka zuwa wani taron Hukumar Kula da Yankin Neja-Delta da Ƙungiyar Cigaban Ƙasa da aka gudanar a Fatakwal.

Ta bayyana a gaban kwamitin kula da harkokin ƙasashen waje na majalisar dattijai a ranar 17 ga watan Disamba, 2013 don tattaunawa kan manufarta game da matsayinta na jakada. Bayan majalisar dattawa ta amince mata, an rantsar da ita a matsayin jakadiyar Amurka a Jamhuriyar Gabon da São Tomé and Principe a ranar 1 ga Agusta, 2014. Ta gabatar da takardun shaidarta a waɗannan ƙasashe a ranar 26 ga Disamba, 2014, da Afrilu 10, 2015. A lokacin da ake tashe tashen hankula a Gabon, ta bayyana damuwarta a bainar jama'a game da duk wani yunƙuri na "ƙarin tsarin mulki" na sauyin mulki. da kuma inganta hanyoyin "dimokradiyya".

Cynthia Akuetteh

A watan Mayun 2015, Akuetteh ta yi maraba da sojojin Amurka da suka shiga tare da sojoji daga ƙasashen Afirka 15 da kuma MDD a bikin buɗe yarjejeniyar-(Central Accord 2015 exercise) a Libreville, Gabon. Akuetteh ta bayyana cewa, babban maƙasudin gudanar da wannan aiki shi ne wanzar da zaman lafiya da ƙarfafa alaƙar ƙasashen da ke halartar taron. Ta yi ritaya a ranar 26 ga watan Fabrairu, 2018.

Rayuwar ƙashin kanta

Cynthia Akuetteh a tsakiya

Akuetteh ta taɓa auren Nii Akuetteh, wanda ya kafa Cibiyar Nazarin Dimokuradiyya da Rikici a Ghana. Suna da yara biyu manya.

Manazarta

Wikimedia Commons on Cynthia Akuetteh

Diplomatic posts
Magabata Eric D. Benjaminson	United States Ambassador to Gabon 2014–2018	Magaji Joel Danies
	United States Ambassador to Sao Tome and Principe 2015–2018