Balaraba Ramat Yakubu
Balaraba Ramat Yakubu kwarariyar marubuciyar littattafan Hausa ce da ake wa laƙabi littattafan soyayya. An haife ta a cikin birnin Kano a a shekara ta alif ɗari tara da hamsin da tara 1959A.c[1] . Tana daga kalilan marubuta da aka fassara littafinta zuwa harshen Inglishi. Rubuce - rubucenta sun fi bada muhimmanci akan zamantakewar aure da kuma gwagwarmayar mata a rayuwar Hausawa, musamman tauye hakkin mata da mazan Hausawa kan yi, zamu ga haka a littattafan ta kamar Budurwar zuciya da mashahurin littafin ta Alhaki kuikuyo ne.
 Balaraba Ramat Yakubu | |
|---|---|
 | |
| Rayuwa | |
| Haihuwa | jahar Kano, 1959 (64/65 shekaru) |
| ƙasa | Najeriya |
| Ƴan uwa | |
| Ahali | Murtala Mohammed |
| Karatu | |
| Harsuna |
Hausa Pidgin na Najeriya |
| Sana'a | |
| Sana'a | marubuci |
Kuruciyarta
gyara sasheHajiya Balaraba kanwa ce ga tsohon shugaban kasar Nijeriya, marigayi Murtala Ramat Muhammed wanda aka yi wa juyin mulki a shekarar 1976.
Tun tana karama 'yar shekara 13 aka cire ta daga makaranta aka yi mata aure, wannan ne ma dalilin da ya sa take rubuce - rubucent da harshen Hausa maimakon turanci.[2]
Aiki
gyara sashe
Balaraba Ramat ta kasance mace tilo a cikin jagororin kungiyar marubuta mai suna Raina Kama.[3] Littafinta na farko shi ne Budurwar Zuciya wanda aka wallafa a shekarar 1987. Daga nan ta ci gaba da rubuce - rubuce har zuwa daga bisani ta shiga harkar rubutun fim tare da shiryawa. A shekarar 1998, Muhammed Abdulkareem ya mayar da littafinta, Alhaki Kwikwiyo Ne zuwa fim 1998.[4]
Har ila yau kuma, a shekarar 2012, wani kamfanin dab'i a kasar Indiya mai suna Blaft Publishers ya wallafa fassarar littafin Alhaki Kwikwiyo Ne zuwa Inglishi. Littafin ya samu kyakkyawan yabo [5][6] Daga cikin littattafan ta akwai: Wa zai auri jahila? 1-2, Ina son sa haka (an mayar da shi fim), Matar uba Jaraba, Wane kare ne, ba kare?, Badariyya 1-5 da sauran su. Amma dai gaskiya littafin Alhaki kuikuyo yafi kowanne ɗaukan hankali. Lami Sumayya Murtala ta gidan rediyon DW sun taba karanta littafin a audio. An samar da wasu kyaututtuka ga matasan marubuta wanda aka rada wa kyautar sunan Balaraba Ramat Yakubu.[7]
Manazarta
gyara sashe- ↑ Femke van Zeijl, "From illiterate child bride to famous Nigerian novelist", Al Jazeera (Features), 8 March 2016.
- ↑ "I write in Hausa 'cos I didn't get Western education - Says Murtala Muhammed's sister". NigeriaFilms.com. Archived from the original on 23 April 2016. Retrieved 11 January 2013.
- ↑ Graham Furniss. "Hausa popular literature and video film: the rapid rise of cultural production in times of economic decline" (PDF). Archived from the original (PDF) on 16 July 2016. Retrieved 11 January 2013.
- ↑ Carmen Mccain (22 October 2012). "Hajiya Balaraba Ramat Yakubu's novel Alhaki Kuykuyo Ne/Sin is a Puppy Published in translation by Blaft". Retrieved 11 January 2013.
- ↑ Subashini Navaratnam (6 December 2012). "'Sin is a Puppy That Follows You Home', a Popular Hausa Novel, Is a Fast-Paced, Riveting Read". Retrieved 11 January 2013.
- ↑ Deepa Dharmadhikari. "Book Review: Full Hausa". Retrieved 11 January 2013.
- ↑ Awaal Gaata. "CATCHING THEM YOUNG: School gives prizes to students in Kano". Archived from the original on 15 February 2013. Retrieved 11 January 2013.