Akwasi Konadu

Akwasi Konadu dan siyasan Ghana ne wanda mamba ne a New Patriotic Party (NPP). Shi ne dan majalisa mai wakiltar mazabar Manhyia ta Arewa a yankin Ashanti na Ghana. A halin yanzu shi ne Darakta a kamfanin Ghana Water Company Limited.

Akwasi Konadu
shugaba 2022 - Member of the 8th Parliament of the 4th Republic of Ghana (en) 7 ga Janairu, 2021 - District: Manhyia North Constituency (en) Election: 2020 Ghanaian general election (en)
Rayuwa
Haihuwa	Yankin Ashanti, 25 ga Yuli, 1982 (41 shekaru)
ƙasa	Ghana
Harshen uwa	Yaren Asante
Karatu
Makaranta	Opoku Ware Senior High School (en) Jami'ar Ilimi, Winneba diploma (en) : education (en) University of Ghana Bachelor of Arts (en) : kimiyar al'umma, Falsafa Kwame Nkrumah University of Science and Technology Master of Science (en) : development policy (en) , planning (en)
Harsuna	Turanci Yaren Asante
Sana'a
Sana'a	ɗan siyasa da supervisor (en)
Wurin aiki	Kumasi
Imani
Addini	Kiristanci
Jam'iyar siyasa	New Patriotic Party

Rayuwar farko da ilimi

An haifi Konadu a ranar 25 ga watan Yuli shekara ta, 1982 kuma ya fito ne daga Paakoso a yankin Ashanti. Ya yi karatunsa na sakandare a Opoku Ware Secondary School. Ya sami Diploma a fannin Ilimi daga Jami'ar Ilimi - Winneba. Ya kuma yi digirinsa na farko a fannin zamantakewa tare da Falsafa a shekarar, 2005 daga Jami'ar Ghana. Sannan kuma ya samu digirin sa na biyu (Masters) a fannin siyasa da tsare-tsare daga KNUST.

Aiki

Konadu shi ne Mataimakin Auditor na KDA Accounting Services a Kumasi. Ya kuma kasance jami'in kula da ayyukan gidauniyar Bonsafo Barwuah. Ya kasance Manajan Ayyuka na Kamfanin Greenfield Limited.

Siyasa

Konadu ya shiga takarar ɗan majalisa a zaɓen fidda gwani na jam'iyyar NPP a mazaɓar Manhyia ta Arewa gabanin zaben shekara ta, 2020. Ya tsige dan majalisar mai ci Collins Owusu Amankwah, wanda ya taba zama majalisar tun daga watan Janairun shekara ta, 2013, a wata fafatawar da aka yi a watan Yunin shekara ta, 2020 domin zama ɗan takarar jam’iyyar da zai wakilci mazabar Manhyia ta Arewa a zaben shekara ta, 2020. Ya samu nasara ne bayan ya samu ƙuri'u, 278 yayin da mai ci ya samu ƙuri'u, 273 inda ya doke shi da kuri'u 5. Kafin nasarar Konadu ya yi takara a zaben fidda gwani na shekara ta, 2012 da na 2016 da Collins Owusu Amankwaah kuma ya sha kashi a duka lokutan biyun.

An zaɓi Konadu dan majalisa mai wakiltar Manhyia North a zaben majalisar dokoki na Disamba 2020. An ayyana shi ne a matsayin wanda ya lashe zaben ‘yan majalisar dokokin kasar bayan ya samu ƙuri’u 39,562 da ke wakiltar kashi 69.9 cikin 100, yayin da dan takararsa na jam’iyyar National Democratic Congress, Hamza Swallah ya samu ƙuri’u 15,943 da ke wakiltar kashi 28.2%.

Kwamitoci

Konadu mamba ne a kwamitin dabarun rage talauci kuma mamba ne a kwamitin lafiya.

Rayuwa ta sirri

Konadu Kirista ne.