Shina Peller

Shina Abiola Peller (an haife shi a ranar 14 ga watan Mayu a shekara ta 1976) ɗan kasuwan Najeriya ne, ɗan siyasa, masanin masana'antu, kuma ɗan majalisar wakilai ta ƙasa ta 9. Shi ne shugaba kuma babban jami'in gudanarwa na Aquila Group of Companies da Club Quilox. Shina Peller yana rike da sarautar Ayedero na kasar Yarbawa da Akinrogun na Epe land, Lagos

Shina Peller
mamba a majalisar wakilai ta Najeriya 21 ga Yuni, 2022 - mamba a majalisar wakilai ta Najeriya 11 ga Yuni, 2019 - 17 ga Yuni, 2022 District: Iseyin/Itesiwaju/Kajola/Iwajowa
Rayuwa
Haihuwa	Iseyin (birni), 14 Mayu 1974 (49 shekaru)
ƙasa	Najeriya
Ƴan uwa
Abokiyar zama	Ayọ̀bọ́lá (en)
Karatu
Makaranta	Jami'ar Takanolaji na Ladoke Akintola
Harsuna	Yarbanci
Sana'a
Sana'a	ɗan siyasa
Imani
Jam'iyar siyasa	All Progressives Congress

Fage

Shina Abiola Peller da ne ga Alhaja Silifat da Farfesa Moshood Abiola Peller. Ya taso a gidan musulmai.Ya samo asali ne daga garin Iseyin dake jihar Oyo a kudu maso yammacin Najeriya.Ya karanta Chemical Engineering a Ladoke Akintola University of Technology, Ogbomosho, Nigeria, inda ya sami digiri na farko a shekara ta 2002. Bayan haka, ya sami digiri na biyu a fannin kasuwanci kuma daga Jami'ar Fasaha ta Ladoke Akintola a shekara ta 2013. Ya yi aiki a jihar Abia a shekarar 2003 don cika wajabcin hidimar bautar kasa na shekara daya da ake bukata ga duk ‘yan Najeriya da suka kammala karatunsu.

Sana'ar siyasa

Peller dan jam’iyyar All Progressive Congress ne, kuma ya bayyana aniyarsa ta tsayawa takara a karkashin jam’iyyar All Progressive Congress a matsayin dan majalisar wakilai ta tarayya mai wakiltar mazabar tarayya ta Iseyin/Itesiwaju/Iwajowa/Kajola a jihar Oyo.

A ranar 5 ga watan Oktoba a shekara ta 2018, Shina Peller ya lashe zaben fidda gwani na dan takarar majalisar wakilai ta tarayya mai wakiltar mazabar lseyin/ltesiwaju/Kajola/lwajowa a jam’iyyar APC a babban zaben shekara ta 2019 kuma ya lashe kujerar. Ya lashe kujerar majalisar wakilai a mazabarsa a ranar 23 ga watan Fabrairu a shekara ta 2019. A yanzu haka yana neman takarar majalisar dattawan Najeriya a karkashin inuwar Accord Party.