Preye Oseke

Preye Influence Goodluck Oseke (an haife shi a ranar 27 ga watan Mayu 1976) ɗan siyasan Najeriya ne kuma ɗan majalisar wakilai ta tarayya a majalisar wakilai ta ƙasa ta 9.

Preye Oseke
Rayuwa
ƙasa	Najeriya
Sana'a
Sana'a	ɗan siyasa
Imani
Jam'iyar siyasa	All Progressives Congress

Tarihi da ilimi

An haifi Oseke a shekarar 1967 a Ogboinbiri, ƙaramar hukumar Ijaw ta kudancin jihar Bayelsa. Ya fara karatun firamare ne a shekarar 1983 a makarantar Apoi Clan Central da ke garin Ogboinbiri inda ya samu shaidar kammala karatunsa na farko a shekarar 1987. Ya shiga makarantar Bishop Dimieari Grammar School (BDGS) Yenagoa domin yin karatunsa na sakandire kuma ya gama da Senior Secondary School Certificate, SSCE a 1993. Ya samu digirin farko a fannin harkokin gwamnati a jami'ar Fatakwal a shekarar 2012.

Aikin siyasa

An zaɓi Oseke a matsayin ɗan majalisar wakilai ta tarayya daga yankin kudancin Ijaw tarayya kan tikitin jam’iyyar All Progressives Congress a shekarar 2019. An ƙalubalanci zaɓensa a kotu amma ya sake tabbatar da cewa shi ne ya lashe zaɓen. A shekarar 2021, lauyansa, Andrew Chukwuemerie wani farfesa a fannin shari’a kuma Babban Lauyan Najeriya, SAN ya kai karar Oseke bisa rashin biyan kuɗaɗen shari’a na shari’ar zaɓen shekarar 2019. Oseke ya kasance mamba a kwamitin majalisar kan harkokin ƙasashen waje a majalisa ta 9.

A shekarar 2022, ya lashe zaɓen fitar da gwani na jam’iyyar APC da kuri’u 16,511 don sake tsayawa takara a karo na biyu a majalisar wakilai. A zaɓen ranar 25 ga watan Fabrairun 2023, ɗan takarar jam'iyyar People's Democratic Party (PDP) ya doke shi da kuri'u 13,992 yayin da Oseke mai ci ya samu kuri'u 12,992.