Labaran Abdul Madari

Labaran Abdul Madari, wanda aka fi sani da Abdul Madari, dan majalisa ne daga jihar Kano kuma dan siyasar Najeriya. An zabe shi Shugaban Masu Rinja a karo na biyu a Majalisar Dokokin Jihar Kano a ranar 15 ga watan Disamban shekara ta 2020.

Labaran Abdul Madari
member of the Kano State House of Assembly (en) 2007 -
Rayuwa
Haihuwa	Warawa, 22 ga Yuni, 1968 (55 shekaru)
ƙasa	Najeriya
Sana'a
Sana'a	ɗan siyasa

Rayuwar farko da ilimi

An haifi Abdul Madari a shekara ta 1968 a Madarin Mata na karamar hukumar Warawa ta jihar Kano. Ya halarci Makarantar Firamare ta Kawo Cikin Gari da ke Warawa, da kuma Makarantar Sakandaren Gwamnati da ke Garko . Madari ya kuma halarci Kwalejin Malami ta Minjibir don samun shedar karatun sa ta Grade II kuma ya samu difloma daga Makarantar Kwalejin Ilimi ta Tarayya da ke Kano .

Siyasa

An zabi Madari a matsayin dan majalisar dokokin jihar Kano a cikin shekara ta 2007 a babban zaben Najeriya kuma ya ci gaba da zama a sama da zabuka uku a jere a shekara ta 2011,da shekara ta 2015, da kuma shekara ta 2019. da yanzu haka yana wa'adin sa na hudu. Yana cikin da'irar manyan hafsoshi na Majalisar Dokokin Jihar Kano, inda ya yi aiki a matsayin Babban Bulala daga shekara ta 2015 zuwa shekara ta 2019, kuma ya zama shugaban masu rinjaye a shekara ta 2019 kafin ya kasance an tsige shi a cikin shekara 2020. Madari da wasu mutane 4 sun kasance ba bisa ka'ida ba daga shugaban majalisar, kuma kotun ta bayyana dakatarwar da suka yi ya sabawa sashi na 109 na kundin tsarin mulkin Najeriya na 1999.

A ranar 14 ga watan Disamban, shekara 2020, Dama Honourable Abdulaziz Garba Gafasa ya yi murabus daga matsayin kakakin majalisar dokokin jihar Kano, sannan aka zabi Hamisu Chidari a matsayin Shugaban Majalisar tare da Madari a matsayin Shugaban Masu Rinjaye a ranar 15 ga watan Disamban, shekara ta 2020.