Ibrahim Eltayeb

Ibrahim AbdelRazzak Eltayeb masanin lissafi ne daga Sudan kuma farfesa ne a fannin lissafi a Jami'ar Nizwa da ke Oman. Shi memba ne na Kwalejin Kimiyya ta Afirka, Royal Astronomical Society, Cibiyar Kimiyya ta Duniya (TWAS) da Royal Society of Edinburgh.

Ibrahim Eltayeb
Rayuwa
Haihuwa	Sudan,
ƙasa	Sudan
Harshen uwa	Larabci
Karatu
Makaranta	University of London (en) Newcastle University (en)
Harsuna	Larabci Turanci
Sana'a
Sana'a	masanin lissafi
Employers	University Of Nizwa (en) Sultan Qaboos University (en) Jami'ar Khartoum
Mamba	African Academy of Sciences (en) Royal Astronomical Society (en) The World Academy of Sciences (en) Royal Society of Edinburgh (en) International Association of Geomagnetism and Aeronomy (en)

Rayuwar farko da ilimi.

An haifi Eltayeb a wani ƙauye da ke kusa da gabar kogin Nile, mai tazarar kilomita 500, daga arewacin Khartoum na ƙasar Sudan kuma ya halarci makarantun gwamnati. Ya yi karatu a ƙasar Ingila kan tallafin karatu kuma ya sami digiri na biyu (B.Sc.) a fannin ilimin lissafi daga Jami'ar London a shekara ta 1968. Ya samu Ph.D. a fannin lissafi daga Jami'ar Newcastle Upon Tyne a shekara ta 1972.

Sana'a da bincike.

Eltayeb ya fara ne a matsayin malami a jami'ar Khartoum a shekarar 1972, kuma an kara masa girma zuwa farfesa a shekarar 1980. Ya yi aiki a matsayin shugaban Faculty of Mathematical Sciences daga shekarun 1982, zuwa 1984. A shekarar 1986, ya koma Jami'ar Sultan Qaboos da ke ƙasar Oman, inda ya kafa sashen ilmin lissafi da na'ura mai kwakwalwa (Mathematics and Computing) sannan ya jagoranci ta daga shekarun 1988, zuwa 1998. A halin yanzu yana aiki a matsayin farfesa a fannin lissafi a Jami'ar Nizwa ta Oman.

Eltayeb ya wallafa fiye da takardu 50, a cikin mujallu, musamman a fagen ilimin geophysics, geomagnetism, da kuma aeronomy. Ya kuma ɓullo da ƙira da hanyoyin lissafi don nazarin zurfin ciki na duniya.

Girmamawa da kyaututtuka.

An zaɓi Eltayeb a matsayin fellow na Cibiyar Kimiyya ta Afirka a shekara ta 1986, Royal Astronomical Society of London a shekarar 1988, Cibiyar Kimiyya ta Duniya (TWAS) a shekarar 1996, da Royal Society of Edinburgh a shekara ta 2012. Ya samu lambar yabo ta TWAS a fannin lissafi a shekarar 1995, da kuma lambar yabo ta COMSTECH a fannin lissafi a shekarar 2007. Ya yi aiki a kwamitin zartarwa na Ƙungiyar Ƙasa ta Duniya na Geomagnetism da Aeronomy (IAGA) daga shekarun 1991, zuwa 1999, kuma ya jagoranci sashin kimiyya na IAGA akan filayen ciki da kuma bambancin duniya daga shekarun 1999, zuwa 2003. Ya kasance memba na majalisar nazarin zurfin ciki na duniya (SEDI) tun daga shekarun 1987, kuma yana cikin kwamitin bayar da lambar yabo da lambar yabo ta duniya ta TWAS daga shekarun 1998, zuwa 2006.