Charles Quaker-Dokubo

Charles Quaker Dokubo malami ne ɗan Najeriya kuma tsohon mai baiwa shugaban ƙasa shawara kan Neja Delta kuma kodinetan shirin afuwa na shugaban kasa (PAP).

Charles Quaker-Dokubo
Rayuwa
Haihuwa	23 ga Maris, 1952
Mutuwa	Abuja, 25 ga Augusta, 2022
Karatu
Makaranta	University of Bradford (en) Teesside University (en)
Sana'a
Sana'a	Malami

Rayuwar farko da ilimi

An haifi Charles Quaker Dokubo a ranar 23 ga watan Maris, 1952, a Abonnema, ƙaramar hukumar Akuku Toru, jihar Ribas.

Dukkanin karatunsa na firamare da sakandare ya gudana ne a garin Abonnema kafin ya tafi Burtaniya da halartar Kwalejin fasaha ta Huddersfield da ke Yammacin Yorkshire don kammala matakinsa na "A".

Bayan ya sami digirin digirgir a fannin tarihi da siyasa na zamani daga jami'ar Teesside da ke Middlesbrough, Dokubo ya ci gaba da samun digiri na biyu a fannin nazarin zaman lafiya da kuma PhD a kan yaɗuwar makaman nukiliya da sarrafa shi daga jami'ar Bradford a shekara ta 1985.

Sana'a

Dokubo Farfesa ne na Bincike a Cibiyar Harkokin Kasa da Kasa ta Najeriya da ke Legas, Najeriya kafin a naɗa shi mai kula da shirin afuwa na shugaban kasa (PAP) a shekarar 2018.

Ya kasance mai kula da rajistar masu kaɗa kuri’a a lokacin zaɓuka na musamman na shekarar 1997 a Laberiya a matsayin memba na kungiyar taimakon fasaha ta kungiyar kasashen yammacin Afirka.

A shekarar 2020 ne shugaban ƙasa Muhammadu Buhari ya amince da dakatar da shi bayan zargin almundahana da dukiyar ƙasa.