Adeyemi Ikuforiji

Sabit Adeyemi Ikuforiji ( ⓘ ) ; an haife shi ranar 24 ga Agusta 1958) masanin tattalin arzikin Najeriya ne kuma ɗan siyasa wanda ya zama kakakin majalisar dokokin jihar Legas daga shekarar 2005 zuwa 2015. An gurfanar da shi ne tare da tsohon mataimakinsa Oyebode Atoyebi a kan tuhume-tuhume 54 na karkatar da kuɗaɗen da suka kai Naira miliyan 333.8, daga bisani an wanke shi daga zargin.

Adeyemi Ikuforiji
Rayuwa
Haihuwa	jahar Lagos, 24 ga Augusta, 1958 (66 shekaru)
ƙasa	Najeriya
Harshen uwa	Yarbanci
Karatu
Makaranta	Babeș-Bolyai University (en) Jami'ar jahar Lagos
Harsuna	Turanci Yarbanci Pidgin na Najeriya
Sana'a
Sana'a	ɗan siyasa
Imani
Jam'iyar siyasa	All Progressives Congress
adeyemiikuforiji.org

Rayuwar farko

An haifi Sabit Adeyemi Ikuforiji a ranar 24 ga watan Agustan 1958 a Epe, ƙaramar hukumar jihar Legas a kudu maso yammacin Najeriya. Ya halarci Makarantar Local Authority Central a Epe kafin ya wuce makarantar Epe Grammar inda ya sami takardar shedar Makarantar Yammacin Afirka a watan Yuli 1975. Ya sami digiri na farko da na biyu a fannin tattalin arziki daga Jami'ar Babeș-Bolyai da Bucharest Academy of Economic Studies. Daga baya ya samu digirin digirgir a fannin kasuwanci a jami’ar Legas a shekarar 1980.

Siyasa

Ya fara harkar siyasa a matsayin babban sakataren jam'iyyar Unity Party of Nigeria. A shekarar 2003, ya tsaya takarar kujerar mazaɓarsa, Epe Constituency I, aka zaɓe shi, dan majalisar dokokin jihar Legas. A cikin watan Disamba 2005, an zaɓe shi a matsayin kakakin majalisa a ƙarƙashin jam'iyar Alliance for Democracy. A ranar 4 ga watan Yunin 2007 aka sake zaɓen shi a karo na biyu a matsayin kakakin majalisa ta 6 bayan ya fito a matsayin wanda ya lashe zaɓen daga mazaɓarsa.

Har wayau a ranar 4 ga watan Yunin 2011 an sake zaɓen shi a karo na uku a matsayin kakakin majalissar ta 7, wanda ya yi mulki har zuwa 3 ga watan Yuni 2015.