Umaru Nagwamatse

Umaru Nagwamatse Dan Abu Bakar ( c. 1806 – 1876) ya kasance basarake ( ne Mai Sarautar Gargajiya ne a Najeriya ) daga Khalifancin Sakkwato (wanda ake kira "Sarkin Sudan") kuma shi ne ya kafa Masarautar Kontagora .

Umaru Nagwamatse
Rayuwa
Haihuwa	1806
Mutuwa	1870
Sana'a

Rayuwa

Nagwamatse ya kafa Masarautar Kontagora a shekara ta 1864. Ya zama mai mulkin Masarautar tare da 'ya'yansa maza biyu; Modibo da Ibrahim. An fi saninsa da Sarkin Sudan, wanda ke nufin "Sarkin Baƙaƙe" kuma shi ne na farko a gidan sarautar Fulanin Sakkwato a yankin Arewacin Najeriya da ya zama sarki. Nagwamatse shine ɗa na goma ga Sarkin Musulmi Abubakar Atiku, daga gidan sarautar Dan Fodio na Sakkwato.

Rijiyar Nagwamatse

Labarin Rijiyar Nagwamatse ya bayyana cewa yayin da Yarima Umaru Nagwamatse yake hutawa a ƙarƙashin wata bishiya a Kontagora, sai ya ciccike ƙasa da yatsansa, wanda hakan ya sa ruwa ke ɓullowa ta hanyar mu'ujiza. Wannan ya haifar da haihuwar Rijiyar Nagwamatse, kuma rijiyar Nagwamatse ta kasance wurin shayarwa har zuwa yau. Yariman ya kuma yi alwala don "Sallar Asr " (Sallar Musulunci) a wannan keɓaɓɓen wurin, saboda Masarautar ba ta da ruwan sha.

Kodayake mutanen Kambari suna zaune ne a cikin Daular gaba ɗaya a lokacin, amma har yanzu Gwamnatin Neja ce ke da’awarta. A farkon karni na 19, mutanen Kambari sun bar Masarautar saboda yakin basasa a Masarautar Magna. Iyalan gidan Umaru Nagwamatse da ke mulki ne yanzu suke shugabanta.