Mohammed Saleh (dan siyasa)
Mohammed Sani Saleh (an haife shi a ranar 11 ga Nuwamba 1955) Manjo Janar ne na sojan Najeriya mai ritaya kuma tsohon Sanata mai wakiltar Kaduna ta tsakiya a majalisar dattawan Najeriya, wanda aka zaba a ranar 9 ga Afrilun 2011 a lokacin zaben kasa a karkashin jam'iyyar Congress for Progressive Change (CPC).
 Mohammed Saleh (dan siyasa) | |||
|---|---|---|---|
| |||
| Rayuwa | |||
| Haihuwa | Jihar Kaduna, 11 Nuwamba, 1955 (68 shekaru) | ||
| ƙasa | Najeriya | ||
| Sana'a | |||
| Sana'a | ɗan siyasa | ||
| Imani | |||
| Jam'iyar siyasa |
Congress for Progressive Change (en)  | ||
Sana'ar siyasa
gyara sasheA zaben da aka yi a ranar 9 ga watan Afrilun 2011, wadanda suka fafata da Saleh sun hada da tsohon babban sakataren asusun bunkasa fasahar man fetur, Hamisu Yusuf Abubakar (Mairago) na jam'iyyar PDP, da Hajiya Halima Aminu Turaki ta jam'iyyar Action Congress of Nigeria (ACN). . [1] Bayan da aka ayyana shi a matsayin wanda ya lashe zaben, Saleh ya yabawa hukumar zabe mai zaman kanta ta kasa (INEC) bisa yadda ta gudanar da zaben, yana mai cewa "ta yi kokari sosai a wannan karon, abin a yabawa ne matuka, ina fatan za a sake yin hakan a zabukan da ke tafe".
A lokacin zaben shugaban kasa da aka gudanar a ranar 16 ga watan Afrilun 2011, an yi yunkurin tayar da tarzoma a Kaduna, yayin da mataimakin shugaban kasa Namadi Sambo na jam’iyyar PDP ya isa rumfar zabe domin kada kuri’a. Saleh ya goyi bayan hukumomi wajen dakile lamarin, yana mai cewa "Dole ne mu mutunta hukuma. Hatta al’adarmu ta ce mu girmama manyanmu”. Ya kuma yaba da yadda zaben ya gudana, inda ya bayyana shi a matsayin abin koyi.