Gurasa

Gurasa burodi ne na gida wanda ya samo asali daga Arewacin Najeriya, musamman jihar Kano. Yana kama da burodi. Ana cin wannan burodin Arewa don karin kumallo, ko abincin rana, ko kuma a matsayin abun ciye-ciye.

Dubawa

Ana yin shi da fulawa (dukkan garin alkama ko na al'ada), yisti, baking powder da kwai. Ana toya shi a cikin Tanderu wanda aka yi shi da yumbu. Gurasa na iya zama nau'in gida ko na musamman. Nau'in al'ada shine nau'in gida yayin da nau'in na musamman ana yin shi ta hanyar ƙara wasu kayan yaji da kayan ado. Nau'in na musamman ya fi tsada fiye da na gida.

Asali

Gurasa ya samu hanyar zuwa Najeriya ne bayan da wasu matafiya Larabawa suka sauka a jihar Kano, suka yi burodin gida da kansu a ƙaramar hukumar Dala ta jihar Kano. Daga karshe ta zama abincin sarakuna da masu hannu da shuni, kafin ta yaɗu zuwa wasu sassan arewacin Najeriya. Ya zama sananne cewa burodin gida yana ɗaya daga cikin abinci masu araha na marasa galihu.

Kasuwanci

Jama’a da dama ne ke samar da gurasa da rarraba shi a matsayin hanyar samun kuɗin shiga a jihar Kano, kamar yadda ‘yan asalin wasu jihohi irin su Nijar ke yin tafiya don koyon sana’ar.

Akwai wani ƙauye a ƙaramar hukumar Gado da aka fi sani da ƙauyen Gurasa tun da babbar sana’arsu ita ce noma da rarraba Gurasa.

Sauran abinci

Gurasa yaji da miya kulikuli

Ana iya cin Gurasa shi kadai a matsayin abun ciye-ciye, tare da miya irin su miyan taushe, miyar kayan marmari, da sauransu. Wasu kuma suna shan biredin gida da shayi, wainar gyada da ake kira kuli-kuli ko suya.

Duba kuma

• Abincin Larabawa
• Miyan taushe
• Abincin Hausawa