Eli Mwanang'onze

Dr Elimelek Hanakumbo Bulowa Mwanang'onze kwararren Malami ne a fannin ilimi ɗan ƙasar Zambia kuma tsohon ɗan siyasa. Ya yi aiki a matsayin memba na Majalisar Dokoki ta ƙasa mai wakiltar Bweengwa daga shekarun 1988 har zuwa 1991, da kuma riƙe muƙamin Ministan Ilimi, Matasa da Wasanni.

Eli Mwanang'onze
Member of the National Assembly of Zambia (en)
Rayuwa
ƙasa	Zambiya
Karatu
Makaranta	University of Manitoba (en)
Harsuna	Turanci
Sana'a
Sana'a	ɗan siyasa da Malami
Imani
Jam'iyar siyasa	United National Independence Party (en)

Tarihin Rayuwa

Mwanang'onze ya sami MSc a fannin ilimin ƙasa a Jami'ar Manitoba a shekara ta 1974, kafin ya sami digiri na uku a jami'a guda a shekarar 1978. Daga baya ya yi aiki a matsayin malami a Makarantar Mines a Jami'ar Zambiya, kuma ya kasance shugaban kwamitin edita na Journal of African Marxists. Daga baya ya zama ma'aikacin gwamnati kuma ya kasance babban sakataren ma'adinai.

An zaɓi Mwanang'onze a matsayin ɗan majalisar dokokin ƙasar ne a babban zaɓen ƙasar na shekarar 1988 a daidai lokacin da ƙasar Zambiya ta kasance ƙasa mai jam'iyya ɗaya da jam'iyyar 'yancin kai ta United National Independence Party a matsayin jam'iyyar doka tilo. Lokacin da aka ɓullo da tsarin dimokuraɗiyyar jam’iyyu da yawa a farkon shekarun 1990, bai tsaya takara a babban zaɓen shekara ta 1991 ba kuma Baldwin Nkumbula ya gaje shi.