Amos Adamu

Amos Adamu (an haifeshi ranar 31 ga watan Disamba 1952), shi ne mai kula da wasanni na Najeriya, ya kasance Darakta Janar na Hukumar Wasanni ta Najeriya na tsawon shekaru goma kafin a sake masa aiki a watan Nuwambar 2008. Kafin a naɗa shi a matsayin Darakta Janar, Adamu ya kasance Daraktan wasanni na ma’aikatar na tsawon shekaru 10.

Amos Adamu
Rayuwa
Haihuwa	31 Disamba 1952 (71 shekaru)
ƙasa	Najeriya
Sana'a
Sana'a	sports official (en)
Employers	FIFA National Sports Commission (en)

Aiki

Adamu ya yi digirin digirgir a fannin ilimin Jiki da lafiya. Ya kasance malamin jami'a kafin ya shiga Cibiyar Wasanni ta Ƙasa (NIS). An naɗa shi shugaban hukumar ƙwallon ƙafa ta Najeriya shi kadai a shekarar 1992. Bayan nasarar da ya samu a wannan matsayi, sai aka mayar da shi ma’aikatar wasanni ta tarayya a matsayin Daraktan raya wasanni. Adamu ya shiga harkar gudanarwa da shirya gasar cin kofin matasa ta duniya a Najeriya a shekarar 1999 da kuma gasar cin kofin duniya a shekarar 2000.

A watan Disambar 2000 ne aka naɗa Adamu a matsayin shugaban kwamitin shirya gasar wasannin Afirka ta 8 (COJA). An gudanar da wasannin ne a Abuja, a watan Oktobar 2003, a sabon filin wasa na Abuja da aka gina. Adamu ya shawarci gwamnati da ta siyar da wannan filin wasa nan da nan bayan kammala wasannin domin daƙile ɓarnar da gine-ginen jama’a ke yi. Bayan haka, an yi ta cece-kuce game da yadda masu shirya wasannin suka yi.

A cikin shekarar 2005, an zaɓi Adamu a matsayin mamba na kwamitin shirya gasar cin kofin duniya na farko a Afirka da za a shirya a Afirka ta Kudu shekarar 2010. A shekarar 2006, Adamu ya jagoranci sauya ma’aikatar wasanni zuwa hukumar wasanni ta ƙasa (NSC). Adamu ya zama mamban kwamitin zartarwa na FIFA da Hukumar Ƙwallon Ƙafa ta Afirka . A watan Afrilun 2007, Adamu ya zama shugaban ƙungiyar ƙwallon ƙafa ta yammacin Afirka .

A cikin watan Mayun shekarar 2008, babban sakatare a ma’aikatar wasanni da ci gaban jama’a a jihar Bayelsa ya shaidawa mambobin kwamitin majalisar dattawa kan harkokin wasanni cewa matsalolin wasanni a Najeriya sun haɗa da cin hanci da rashawa ke yi a ƙarƙashin jagorancin Adamu. A watan Yulin shekarar 2008, Adamu ya bayyana cewa hukumar wasanni ta Najeriya ta fara gudanar da bincike kan zargin cin hanci da rashawa a gasar lig.

Sake aiki da kuma hukunta cin hanci

A ranar 6 ga Nuwamba, shekarar 2008, Shugaba Umaru 'Yar'adua ya ba da umarnin tsige Adamu daga muƙamin Darakta Janar na Hukumar Wasanni ta Ƙasa. Daga ƙarshe Adamu, Darakta Janar na Hukumar Wasanni ta ƙasa an mayar da shi ma’aikatar ayyuka na musamman bayan tsige tsohon ministan wasanni kuma shugaban hukumar wasanni ta ƙasa Abdulrahman Gimba, a wani sauyi da aka yi a majalisar ministoci. Ba a bayar da dalili ba. Tun daga watan Janairun shekarar 2009, Adamu ya kasance memba a kwamitin zartarwa na FIFA 24. An shirya ya bayyana a wata kotun Najeriya domin neman a biya shi diyyar Fam miliyan 2.3 da ya biya watanni 15 da suka gabata kan wata jarida da ta buga zarge-zargen cin hanci da rashawa. A watan Agustan 2009, Adamu ya bayyana cewa matsalolin wasanni na Najeriya tun lokacin da aka sake masa aiki sun tabbatar da shi. A ranar 17 ga watan Oktoba, shekarar 2010, an ruwaito a cikin UK Sunday Times cewa ya amince da karɓar fam 500,000 don yin tasiri a kan tsarin jefa kuri'a tare da ƙuri'unsa na neman takarar gasar cin kofin duniya ta FIFA shekarar 2018 . Ya musanta aikata wani laifi. Wani bincike da FIFA ta gudanar ya haramtawa shi da Reynald Temarii shiga harkokin ƙwallon ƙafa. A watan Nuwambar shekarar 2010 Adamu ya samu dakatarwar shekaru uku da tarar kudin Swiss Franc 10,000 daga kwamitin da’a na FIFA bayan an same shi da laifin saba ka’idojin cin hanci.

Dr Cornel Borbély, shugaban kwamitin bincike na kwamitin ɗa'a na FIFA, ya gudanar da bincike kan Adamu a watan Disambar 2016. An samu Adamu da laifin karya doka ta 13 (General law of conduct), 15 (Loyalty) da 19 (Conflict of Interest) na kundin tsarin ɗa'a na FIFA ta hanyar karɓar kuɗi a madadin ƙuri'un gasar cin kofin duniya.

A ranar 28 ga watan Fabrairun 2017 kwamitin ɗa'a na FIFA ya dakatar da Adamu na tsawon shekaru biyu.