Usman Ibrahim Auyo

Usman Ibrahim Auyo ɗan siyasan Najeriya ne. A halin yanzu mamba ne mai wakiltar mazaɓar tarayyar ta Hadejia/Auyo/Kafin Hausa a majalisar wakilai. An haife shi a ranar 1 ga watan Disamba 1964, ya fito ne daga jihar Jigawa. A shekarar 2015 ne aka zaɓe shi a matsayin ɗan majalisar wakilai. An sake zaɓen sa a shekarar 2019, sannan kuma a shekarar 2023 a ƙarƙashin inuwar jam’iyyar All Progressives Congress (APC), wanda ya zama wa’adi na uku.