Mojisolaoluwa Alli Macaulay

MojisolaOluwa Kehinde Alli – Macaulay (née Alli) (an haife ta a ranar 10 ga watan Oktoban, 1977) 'yar siyasan Najeriya ce, 'yar majalisa kuma 'yar jam’iyyar All Progressive Congress APC. Ta kasance 'yar majalisar dokokin jihar Legas, mai wakiltar mazabar Amuwo Odofin I kuma shugabar kwamitin majalisar dokokin jihar Legas mai kula da harkokin mata, rage talauci da samar da ayyukan yi.

Mojisolaoluwa Alli Macaulay
Rayuwa
Haihuwa	Surulere, 10 Oktoba 1977 (47 shekaru)
ƙasa	Najeriya
Karatu
Makaranta	Milton Keynes (en) 2003) diploma (en) Jami'ar Jihar Lagos Bachelor of Arts (en)
Sana'a
Sana'a	ɗan siyasa

Kuruciya

Mojisolaoluwa Alli Macaulay

An haifi Mojisolaoluwa a garin Surulere, jihar Legas kuma ta fito daga tsibirin Legas-Island da ke kudu maso yammacin Najeriya.

Ilimi

Ta yi karatun ta na firamare a Subola Nursery & Primary School 1982-1984 kuma ta kammala a Festac Primary School 1984-1990. Nan da nan ta fara karatun sakandare a makarantar sakandare ta 'yan mata ta Festac 1990-1993 kuma ta kammala a Makarantar Sakandare ta Navy Town a tsakanin shekarun 1993-1995 inda ta sami takardar shaidar Makarantun Yammacin Afirka (WAEC).

Ta ci gaba da karatun ta na Diploma a Open University Milton Keynes, United Kingdom a cikin ilimin zamantakewa (2003). A shekarar 2015 ta kammala Digiri dinta na farko a fannin tarihi da huldar kasa da kasa daga Jami’ar Jihar Legas. A 2021 kuma ta sami digiri a LAW a Jami'ar Jihar Lagos.

Rayuwa ta sirri

Ta auri Honourable Jonathan Macaulay kuma suna da yara biyu.

Aiki

Mojisolaoluwa ta fara aikinta akan jarida da yada labarai a shekarar 1997 a matsayin mai bayar da sanarwar Duty na Rediyon Lagos/Eko FM (1997-1999) [1], nan take ta yi aiki a matsayin mai gabatar da labarai a MITV/STAR FM na tsawon shekaru uku. 1999-2001), sannan ta koma NTA 2 Channel 5 a matsayin Mai Binciken Labarai, Mai gabatar da Labarai sannan kuma mai gabatarwa (2001-2002).

Aikin siyasa

Ta tsaya takarar kansila a WARD B1, Amuwo Odofin a karkashin jam'iyyar Action Congress of Nigeria kuma ta yi nasara a shekarun (2010 -2013) [2] . Ta kuma kasance tsohuwar mataimakiyar shugaba, Amuwo Odofin na majalisar dokoki, karamar hukumar Amuwo Odofin.

A cikin shekara ta 2019 ta fito takarar kuma ta yi Nasarar zaman 'yar majalisa a Mazabar Amuwo Odofin 1. A halin yanzu ita mamba ce a majalisar dokoki ta 9, majalisar dokokin jihar Legas.