Mary Boyoi
Mary Boyoi
| |
|---|---|
| |
| An haife shi | Mayu 12, 1974 |
| Aiki | Mai raira waƙa |
| Shekaru masu aiki | 16 |
| An san shi da | Kiɗa da Siyasa a Sudan ta Kudu |
| Ayyuka masu ban sha'awa | Zaben raba gardama |
| Jam'iyyar siyasa | SPLM |
Mary Boyoi mawaƙiya ce ‘yar Sudan ta Kudu, marubuciya kuma 'ya ga tsohon Kwamandan SSPDF . [1][2] [failed verification]
Rayuwar ta
gyara sasheMahaifin Boyoi, shugaban kabilar Murle ne kuma kwamandan sojojin Sudan People's Liberation Movement / Army (SPLM / A) an kashe shi a shekarar 1989. Bayan rasuwar mahaifinta, ita da sauran danginta sun kwashe shekaru da yawa a sansanonin 'yan gudun hijira a Sudan da sansanonin' yan gudun hijira a Habasha don kauce wa rikice-rikicen yaki.
Ta ci gaba da karatunta na sakandare a Kenya kuma ta kammala kwakwasai da dama na difloma. A shekara ta 2002, ta fara aiki a hukumomin agaji a wurare daban-daban a duk faɗin Sudan ta Kudu.
A shekara ta 2005 ta kafa ABONA International, wata kungiya mai zaman kanta da ke da aniyar tallafawa zaman lafiya a duk faɗin Sudan ta Kudu da kuma samar da taimako ga 'yan mata da matasa a yayin tashin hankali da lalata. A shekara ta 2007 ta fara aiki a kan furoja na kiɗa, "Referendum".
Boyoi a halin yanzu ita ce babban darektan kuma wacce ta kafa Muryar Jama’a na Zaman Lafiya (VOP), wata kungiya mai zaman kanta ta kasa wacce ke ba da tallafin zamantakewa da hanyoyin turawa don kula da lafiya ga waɗanda suka tsira daga tashin hankali na jinsi (GBV). [3]
A cikin Janairun shekara ta 2010, 'yan kungiyar Murle sun zabi Boyoi don yin takarar kujerar majalisa a Majalisar Dokokin Kudancin Sudan a Juba . Ta yi yakin neman zabe a zaben da da aka gudanar a watan Afrilu, 2010.
Zooz, waƙar Boyoi wanda har yanzu ba a sake shi ba a kundi na biyu an nuna shi a Sudan Votes Music Hopes a watan Maris na shekara ta 2010. Sudan Votes Music Hopes tare da hadin gwiwar masu fasaha daga ko'ina cikin Sudan waɗanda suka rubuta waƙoƙin zabe "don ƙarfafawa mutanen Sudan su bada gudummawa a kan makomarsu". Mawallafin mawaƙa na Jamus Max Herre ne ya tattara kundin SVMH kuma an rarraba shi a duk faɗin Sudan akan kaset na sauti, rediyo da yanar gizo ta hanyar sudanvotes.com. Media in Cooperation and Transition (MICT) ne suka dauki nauyin wakan kuma Ofishin Harkokin Waje na Jamus ne ya ba da kuɗin.[4] A cikin Agustan 2012, lakabin Süd Electronic ya fitar da vinyl tare da remixes na gida ta Tama Sumo da Portable.
Bayanan da aka ambata
gyara sashe- ↑ Admin (2021-02-14). "Mary Boyoi strikes fans with her hot thighs". Ramciel Broadcasting (in Turanci). Archived from the original on 2022-08-11. Retrieved 2022-08-11.
- ↑ Boyoi, Mary (2018-03-06). "In war-torn South Sudan, a voice of peace". UNICEF Connect (in Turanci). Retrieved 2022-08-11.
- ↑ "In war-torn South Sudan, a voice of peace". UNICEF Connect (in Turanci). 2018-03-06. Retrieved 2019-12-30.
- ↑ "Sudan Votes Music Hopes". Sudan Votes. 2010. Archived from the original on 2010-03-28.