Chuka Momah

Chuka Momah ⓘ ɗan jarida ne kuma mai kula da harkokin wasanni na Najeriya, tsohon shugaban hukumar kwallon Tennis ta Najeriya ne da kuma kungiyar kwallon Tennis ta Afrika. A shekarar 2013, ya wallafa Sports Spectacular, wani littafi game da labarun wasanni da nazarin wasanni a Najeriya.

Chuka Momah
Rayuwa
Karatu
Makaranta	Jami'ar Najeriya, Nsukka
Sana'a
Sana'a	sports journalist (en)

Karatu da Aiki

Momah ya halarci Kwalejin Gwamnati da ke Ibadan, ya kammala karatunsa a fannin ilmin ƙananun halittu-(Microbiology ) a Jami'ar Najeriya, ya kasance memba a ƙungiyar wasan kurket ta jami'ar da ta lashe gasar kurket a wasannin NUGA na 1974.

Ayyuka

Bayan kammala karatunsa, Momah ya yi aiki a wasu kamfanoni masu zaman kansu, inda ya yi ritaya a shekarar 1985 tare da Hoechst. Ya yi aiki a matsayin mai bugawa da watsa shirye-shiryen sharhi a sashen wasanni. Ya kasance marubuci ga National Concord, tsakanin shekara ta 1982 zuwa 1985 kuma edita mai bayar da gudummawa a mujallar Newswatch. Ya kasance ma'aikacin watsa shirye-shiryen Wasanni na gidan talabijin na gwamantin tarayya NTA, har wayau, ya gabatar da shirin Big Fights on of the Decades a NTA ɗin.