Bodo, Nijeriya
Bodo birni ne, da ke a cikin ƙaramar hukumar Gokana a Jihar Ribas, a Nijeriya.[1] Mutanen Ogonis na a cikin yankin ƙasar Ogoni.[2] A cikin shekara ta 2010, al'ummar na da kusan mutane dubu 69,000.[3] Garin kamun kifi da noma, Bodo an san shi a matsayin yankin ko wurin da aka samu munanan malalar mai a ƙarni na 21.
 Bodo, Nijeriya | |
|---|---|
| Bayanai | |
| Iri |
administrative territorial entity (en)  |
| Ƙasa | Najeriya |
Tattalin Arziki
gyara sasheManyan sana'o'in mazauna Bodo sune kamun kifi da noma.[3] Yawancin ayyukan noma ana yin su da hannu, da mata kanyi. Rogo na ɗaya daga cikin manyan amfanin gonakin garin da na yankin. Naman akuya kuma abincin gida ne, kuma yawancin mazauna Bodo suna kiwon awakai.[4]
Malalar Mai
gyara sasheA shekara ta 2003, malalar man "da kaɗan kaɗan" ta shafi shukokin mangoro a Bodo.[4]
A shekarun 2008 da 2009, malalar mai daga yankuna guda biyu daga bututun mai na Trans-Niger da kamfanin Shell Nigeria ke sarrafa ya zubar da akalla ganga 560,000 na mai zuwa yankin kauyen, ɗaya daga cikin malalar mai mafi girma cikin shekaru da dama da aka kwashe ana haƙo mai a Najeriya.[5] A matsayin garin na masu kamun kifi, an lalatar da rayuwar galibin mazaunan garin na Bodo.[6] An lalata yawan kifayen cikin ruwan, an lalatar da ciyayi, haka-zalika; ruwa, ’ya’yan itatuwa, da itatuwan duk sun gurɓata.[7][4] Har ila yau, lafiyar mutane ta taɓu sosai a cikin shekarun da suka biyo bayan malalar man.[8] A watan Janairun 2015, an tilastawa kamfanin Shell, biyan fam miliyan 55 a matsayin diyya kan malalar mai a shekarun 2008 da 2009 a garin Bodo, tare da kai fam miliyan 35 ga mutanen da abin ya shafa, sauran fan miliyan 20 ga al'ummar Bodo.[7][9] A lokacin, ana tunanin sasantawar ita ce mafi girma da aka biya ga kowace al'ummar Afirka sakamakon lalacewar muhalli.[9] Duk da haka, ya zuwa shekarar 2017, mazauna Bodo na ci gaba da jiran aikin tsaftace muhalli da kamfanin Shell din ya yi musu alƙawari.[8]
A watan Oktoban 2022, an sake gano wani sabon man da ya malala a Bodo, sakamakon bututun mai na Trans-Niger da kamfanin Shell ke sarrafawa.[10]
Manazarta
gyara sashe- ↑ "Map of Bodo Creek in the Niger Delta, Nigeria". ResearchGate. Retrieved 26 March 2023.
- ↑ "Ogoniland: See how Shell don do oil waka". BBC News Pidgin (in Pidgin na Najeriya). 28 November 2017. Retrieved 27 March 2023.
- ↑ 3.0 3.1 Sampson, Akanimo (13 December 2010). "Nigeria: Bodo - Ogoni Community Where Fishermen Cry (1)". AllAfrica. Retrieved 27 March 2023.
- ↑ 4.0 4.1 4.2 "Life In Bodo". Bebor.org. Retrieved 27 March 2023.
- ↑ "Shell agrees $84m deal over Niger Delta oil spill". BBC News. 7 January 2015. Retrieved 23 March 2023.
- ↑ "Shell - Bodo". Leigh Day. Retrieved 27 March 2023.
- ↑ 7.0 7.1 "Bodo, Nigeria: "I was so happy that Shell agreed to pay"". Amnesty International. 7 May 2015. Retrieved 27 March 2023.
- ↑ 8.0 8.1 Daisy Morgan, Abigail (28 July 2017). "Long-term effects of oil spills in Bodo, Nigeria". Al Jazeera. Retrieved 27 March 2023.
- ↑ 9.0 9.1 Vidal, John (6 January 2015). "Shell announces £55m payout for Nigeria oil spills". The Guardian. Retrieved 27 March 2023.
- ↑ Godwin, Ann (18 October 2022). "Fresh oil spill occurs in Bodo community". The Guardian. Archived from the original on 27 March 2023. Retrieved 27 March 2023.