Angeline Makore

Angeline Rungano Makore wacce aka fi sani da Angeline Makore ko kuma Angel Makore mai fafutukar kare hakkin mata da 'yan mata 'yar ƙasar Zimbabwe. Ta shahara wajen bayar da shawarwari game da kawo karshen auren yara a ƙasar Zimbabwe. A halin yanzu tana gudanar da aikin Spark READ, wata kungiya mai zaman kanta wacce aka kafa don karfafa 'yan mata da mata a Zimbabwe. Ita ma memba ce a kungiyar 'yan mata ba amarya ba (Girls not Brides). Ana yi mata kallon ɗaya daga cikin fitattun matasan Afirka masu fafutuka da masu kawo sauyi.

Angeline Makore
Rayuwa
Sana'a
Sana'a	Mai kare ƴancin ɗan'adam

Tarihin Rayuwa

An haifi Angeline kuma ta girma a yankunan karkara na ƙasar Zimbabwe. Da yake yarinya, ta jimre da cin zarafin yara da aka yi wa auren yara yayin da aka tilasta mata ta yi kusan aure tana da shekaru 14. An kusa tilasta mata ta zama mata ta biyu ga surukinta. Ta ki auren, tun daga nan ta shiga yakin neman kawo karshen auren yara.

Sana'a

Ta yi karatun digiri na farko a fannin ilimin halin ɗan Adam da kuma difloma a fannin shari'a daga Jami'ar Afirka ta Kudu.

Ta zama mai fafutukar kare hakkin bil'adama musamman kan karfafa 'yan mata da 'yancin mata a Zimbabwe. Ta kuma yi aiki a matsayin mai ba da agaji a wasu kungiyoyi masu zaman kansu kamar su Girl Child Network Zimbabwe da kuma kungiyar Mata Kiristoci ta ƙasar Zimbabwe. A cikin shekarar 2012, ta kafa Spark READ (Resilience, Empowerment, Activism and Development) ga 'yan mata da mata tare da ainihin makasudin kawo karshen cin zarafi da cin zarafin mata da kuma magance matsalolin da suka shafi lafiyar matasa da 'yan mata ke fuskanta.

Ta kuma yi aiki a matsayin jakadiya a bikin ɗalibai na ƙasa da ƙasa a Trondheim. A cikin shekara ta 2017, an zaɓi ta a matsayin ɗaya daga cikin membobi na Peer to Peer Evaluating Panel don Johnson & Johnson 's GenH Challenge.