Anarkali Kaur Honaryar

Anarkali Kaur Honaryar 'yar siyasar Sikh 'yar Afganistan ce. Ita ma mai fafutukar kare hakkin mata ce kuma likitar hakori, da kuma likita.

Anarkali Kaur Honaryar
Rayuwa
ƙasa	Afghanistan
Karatu
Makaranta	Kabul University (en)
Sana'a
Sana'a	dentist (en) , ɗan siyasa da Mai kare ƴancin ɗan'adam
Kyaututtuka	gani UNESCO-Madanjeet Singh Prize  (2011)

Kimanin Sikhs da Hindu 30,000 ne kawai a Afghanistan, Anarkali Kaur Honaryar na ɗaya daga cikinsu. Ita ce mace ta farko wacce ba musulma ba ce a majalisar dokokin ƙasar Afganistan.

Sana'a

Lokacin da aka kori Taliban a shekarar 2001, Honaryar ta karanci likitanci a Jami'ar Kabul. Ta kasance memba a Loya Jirga da ke zaɓar gwamnatin rikon kwarya ta Afganistan bayan faɗuwar Taliban, sannan kuma mamba ce ta kwamitin tsarin mulkin Afghanistan. A cikin shekarar 2006, ta zama memba na Hukumar Kare Haƙƙin Ɗan Adam mai zaman kanta ta Afghanistan.

A cikin shekarar 2010, an zaɓi Honaryar a matsayin Meshrano Jirga na ƙasar, kuma ita ce mace ta farko da ba musulma ba da ta cimma wannan matsayi, ta bar muƙaminta a tsakiyar 2015.

A ranar 22 ga watan Agusta shekarar, 2021, ta zo Indiya tare da wasu Indiyawan da sojojin Indiya suka ceto daga Afganistan saboda harin Taliban na Afghanistan a 2021.

Kyaututtuka da karramawa

Honaryar sananniyar mai fafutukar kare hakkin ɗan Adam ne kuma an ba ta lambar yabo ta UNESCO-Madanjeet Singh don habɓaka Haƙuri da Rashin Tashin hankali. "domin aikinta na taimaka wa matan da ke fama da cin zarafi a cikin gida, auren dole da nuna wariyar jinsi da kuma jajircewarta na inganta manufofin mutunta bil'adama, 'yancin ɗan Adam, mutunta juna da kuma juriya a ƙasarta." Rediyo Free Europe reshen Afganistan kuma ya zaɓi Honaryar a matsayin gwarzuwar shekara a 2009.