Juneidi Basha

Juneidi Basha (Ge'ez: JUNEidi Basha; an haife shi a ranar 19 ga watan Fabrairu, 1961) babban jami'in kasuwanci ne na Habasha wanda ya yi aiki a matsayin Babban Manajan Kamfanin Harar Brewery kuma Mataimakin Shugaban Hukumar Kasuwancin Habasha da ƙungiyoyin Sassan. Kwanan nan ya yi aiki a matsayin Shugaban Hukumar Kwallon Kafa ta Habasha.

dan kasuwan kasan habasha

Sana'a

Juneidi ya fara aikinsa a matsayin Chemist a Harar Brewery jim kadan bayan kammala karatunsa a Jami'ar Addis Ababa, ya kuma yayi aiki a matsayin babban Manajan kamfanin giya a shekarar 1994. A cikin shekaru 18 da ya yi a matsayin Babban Manaja, Juneidi ya jagoranci masana'antar giya zuwa babban matsayi wanda da yawa daga cikin yankin da masu gudanarwa da ma'aikatan kamfanin suka ba shi kyautar mota a shekarar 2006 don karrama shi da jagorancinsa da sadaukarwa.

An zabi Juneidi a matsayin Mataimakin Shugaban Kungiyar Kasuwanci da Sassan Habasha a 2009 da kuma a shekarar 2011 na wani wa'adin shekaru biyu.

An zabi Juneidi a matsayin Shugaban Hukumar Kwallon Kafa ta Habasha a ranar 10 ga watan Oktoba, 2013 inda ya samu kuri’u 56 daga cikin 101 na Majalisar.

An nada shi a matsayin memba na Kwamitin Talla da Talabijin na FIFA daga shekarun 2014 zuwa 2016 da kuma kwamitin shirya gasar cin kofin Afrika ta CAF daga shekarun 2014 zuwa 2018. A cikin Fabrairun 2016, kwamitin zaɓe na FIFA ya nada shi a matsayin ɗaya daga cikin masu bincike masu zaman kansu guda huɗu na zaɓen shugaban FIFA na shekarar 2016 a Zurich.

A watan Fabrairun 2014, an nada shi mataimakin babban manajan kamfanin kebul na kasar Turkiyya BMET Energy kuma ya taimaka wa BMET shiga kasuwar kebul mai fa'ida a cikin gida da yanki.

A halin yanzu Juneidi shi ne shugaban kwamitin Kush Bank (a halin yanzu yana kan kafawa) sannan kuma yana zaune a hukumar Kegna Beverages SC, kamfanin shayarwa na kudi naira biliyan 5.5 da ke Ginchi, yankin yammacin Oromia. Ya rike mukamin shugabancin hukumar a kungiyoyi daban-daban a tsawon rayuwarsa. Ya taba zama Shugaban Hukumar Dire Dawa Coca-Cola ta Gabashin Afirka Bottling Co., Kamfanin Dire Dawa Edible Oil Factory, Babille Mineral Water Factory, Cheshire Services Ethiopia da Hamaressa Edible Oil Factory, da kadan. Ya kuma taba zama mamba a jami'ar Dire Dawa, International Leadership Institute, Red Cross Zone East Hararghe da kuma Dire Dawa Textile Factory.

Ilimi

Juneidi yana da digiri na farko na Kimiyya a Chemistry daga Jami'ar Addis Ababa da Masters of Business Administration (MBA) daga Jami'ar Greenwich.

Kyauta

Ya samu lambar yabo ta kasa Green Hero Award daga Shugaban Kasar Girma Woldegiorgis na Jamhuriyyar Dimokaradiyyar Tarayyar Habasha sau biyu a shekarun 2006 da 2007. A shekarar 2012, Firayim Minista Hailemariam Desalegn na Habasha ya ba shi lambar yabo a matsayin daya daga cikin manyan shugabannin masana'antu 3 a kasar tare da tsohon ministan ciniki da masana'antu Girma Birru. Ya samu lambar yabo ta shugaban hukumar ta CAF daga hannun shugaba Issa Hayatou na hukumar kwallon kafar Afirka a shekarar 2016.

Aure da yara

Juneidi Basha yana da aure yana da ‘ya’ya 4 mata biyu maza biyu. A halin yanzu yana zaune a Addis Ababa, Habasha.