Cibiyar Dokokin Yanayi ta Afirka

An kafa Cibiyar Dokokin Yanayi ta Afirka (African Climate Policy Center (ACPC)), a matsayin wata muhimmin al'amari na samar da ilimi kan sauyin yanayi a Afirka don Shirin Climate for Development (ClimDev) Afirka. ACPC na da manufa guda biyu na musamman; bayar da gudunmawa wajen kawar da fatara ta hanyar dagewa da daidaitawa da sauyin yanayi a Afirka da inganta karfin kasashen Afirka don samun damar shiga cikin shawarwarin sauyin yanayi yadda ya kamata.

Cibiyar Dokokin Yanayi ta Afirka
Bayanai
Iri	ma'aikata
Mamallaki	Hukumar Tattalin Arzikin Afirka ta Majalisar Dinkin Duniya
Tarihi
Ƙirƙira	2010

Tarihi

An kafa ACPC a shekara ta 2010 tare da manufar hangen nesa na shekaru 10 akan yanayi don ci gaba a Afirka, tare da tallafi daga Hukumar Tarayyar Afirka (AUC), Hukumar Tattalin Arziki ta Majalisar Dinkin Duniya (ECA), da Bankin Raya Afirka (AfDB). A shekara ta 2011, ci gaban yanayi a Afirka ya fara aiki a matakin farko tare da ACPC a matsayin sakatariyarta. Kashi na farko ya dauki tsawon shekaru shida (2011-2016) kuma dangane da ci gaban da aka samu a kashi na farko, ACPC ta bullo da wata sabuwar hanyar jagorantar ayyukan na tsawon shekaru bakwai masu zuwa a shekarar 2017.

Manufofi

• Manufofin ACPC su ne; karfafa wa ƙasashen Afirka don shiga cikin harkokin gudanar da yanayi ta duniya
• Habaka karfin ƙasashen Afirka don inganta tsare-tsare masu daidaituwa da rage saka hannun jari a cikin bayanan yanayi da ilimin da aka samar a kowane mataki
• Habaka ƙarfin hasashen Afirka don daidaita matsalolin yanayi zuwa tsarin ci gaba
• Tabbatar da ingantaccen tushe na kimiyyar yanayi da ake amfani da shi da kuma kimanta raunin yanayi, kasada da tasiri da kuma
• Gano fifikon sassa da martani don gudanar da haɗarin yanayi da jagorantar saka hannun jari masu alaƙa.

Ayyuka

Ayyukan ƙungiyar sun kasu zuwa uku; Kirkirar ilimi, rabawa da hadin gwiwar sadarwa; ba da shawarwari da hadin gwiwa; da kuma hidimar Shawarwari da Hadin Kai na Fasaha.