Abubakar Muhammad Luggerewo

Muhammad Abubakar Luggerewo (An haife shi ranar goma sha ɗaya 11 ga watan Maris shekarar alif dubu daya da dari tara da tamanin da hudu 1984) shi ne kakakin majalisar dokokin jihar Gombe, a jihar Gombe, Nijeriya kuma memba mai wakiltar Akko ta tsakiya (Kumo).

Abubakar Muhammad Luggerewo
Rayuwa
Sana'a

Rayuwar farko da ilimi

An haife shi ranar 11 ga Maris shekarar 1984. Ya fito ne daga Jihar Gombe.

Ya halarci makarantar firamare ta Ngarannam da ke Maiduguri daga shekarar 1989-1994 da kuma Birgediya Maimalari Day Secondary School daga shekarar 61994-2000 kafin ya wuce Ramat Polytechnic Maiduguri a shekarar 2002 inda ya sami Diploma a fannin General Agriculture a 2004. Mai girma Luggerewo ya samu gurbin karatu a Jami'ar Maiduguri a shekarar 2008 inda ya kammala karatunsa na farko a fannin aikin gona. (Hons.) Agric Economics a cikin 2014 kuma a halin yanzu yana neman yin digiri na biyu wato (M.Sc.) a fannin Tattalin Arzikin Noma a Jami'ar.

Aiki

Ya yi aiki a matsayin ma’aikacin banki tare da bankin Guarantee Trust Bank PLC, daga watan Yuni shekarar 2005 zuwa Yunin shekarar 2006 da Eco Bank Nigeria Limited daga 2007-2018, kafin a zaɓe shi mamba mai wakiltar Akko ta tsakiya a majalisar dokokin jiha a ƙarƙashin jam’iyyar APC a 2019.

Majalisa ta 6

Luggerewo shi ne kakakin majalisa a majalisa ta shida da aka kammala bayan tsige Hon. Sadiq Kurba a ranar 24 ga Nuwamba, 2020.