Amina Belouizdad

Amina Belouizdad (shekara ta alif dubu daya da dari Tara da talatin da daya1931 - ashirin da tara 29 ga watan Satumba, shekarar alif dubu biyu da goma sha biyar 2015), ita ce mace ta farko mai gabatar da shirye-shirye a gidan talabijin na Aljeriya.

Amina Belouizdad
Rayuwa
Haihuwa	Tizi Ouzou (en) , ga Yuli, 1931
ƙasa	Aljeriya Faransa
Mutuwa	Aljir, 29 Satumba 2015
Makwanci	Sidi M'Hamed (en)
Karatu
Harsuna	Larabci
Sana'a
Sana'a	mai gabatarwa a talabijin

A ranar ashirin da takwas 28 ga watan Oktoba, shekarar alif dubu daya da dari Tara da sittin da biyu 1962 da karfe shida dai dai 6:00 na yamma, Amina Belouizdad ta sanar da kaddamar da tashar Rediyo da Talabijin ta Aljeriya (RTA); wanda ya maye gurbin tashar Rediyo da Talabijin ta Faransa (RTF). Ta yi tasiri ga tsararraki na Aljeriya a lokacin da f RTA ita ce kawai tashar da ake da ita a talabijin. A shekarar alif dubu daya da dari tara da tamanin da biyu 1982 Belouizdad tayi ritaya.

Rayuwa

An haifi Amina Belouizdad a shekara ta alif dubu daya da dari tara da talatin da daya 1931 a unguwar Belcourt (yanzu Belouizdad) a Algiers.

Mahaifinta, Tahar Ali-Cherif, wanda lauya ne na sana'a, an haife shi a Kasbah na Algiers, kuma mahaifiyarta, Maghnia Abed, an haife ta a Chlef.

A shekarar alif dubu daya da dari tara da arbai'n da nakwai 1947 ta auri Zineddine Belouizdad wanda ta haifi 'ya'ya maza uku tare da shi.

Sana'a

Kafin juyin juya halin Aljeriya, ana tsammanin Amina ta cika aikinta na mata da uwa kamar yadda al'adu da al'adun Aljeriya suka tsara. Duk da haka, don ƙara yawan kuɗin iyali, ta amsa tayin aiki a shekarar 1958 daga tashar Rediyo da Talabijin na Faransa (RTF) tana neman mai gabatar da talabijin. A matsayinta na ƴar ƙasa mai yare biyu, an ɗauke ta hayar aiki, kuma ta ɗauki sunan "Amina" saboda ana ganin ta fi samun damar yin sauti ga masu sauraron Faransanci fiye da sunan "Rabia".

A farkon juyin juya halin Aljeriya, ta dukufa wajen tallafa wa matan masu fafutuka da aka ɗaure ta hanyar tattara kuɗaɗe. A shekarar 1958, ta zama mai gabatar da harshe biyu a RTF. Ta yi amfani da matsayinta na shahararriya, inda ta bi motarta ta haye shingayen binciken sojoji domin haɗuwa da mayakan da tare da taimakon mijinta, suka zauna a gidajensu kafin su shiga cikin Maquis. Ɗaya daga cikin waɗannan mayakan shi ne Cherif El Hachemi, abokin aiki a RTF.

Amina ta ci gaba da aikinta a matsayin mai gabatar da talabijin har zuwa lokacin da ta yi ritaya a shekarar 1982. Duk da cewa ta yi ritaya, shahararta ya tabbatar da cewa za ta ci gaba da zama abin birgewa a kan al’amuran al’adu, musamman ta fuskar wakokin Chaabi da na Andalus da ta yi matukar sha’awa.

Mutuwa

Amina Belouizdad ta rasu ne a ranar 29 ga watan watan Satumban shekarar 2015 tana da shekaru 83 a duniya sakamakon fama da bugun jini. An binne ta a makabartar Sidi M'hamed da ke gundumar ta ta haihuwa.

Gidanta na ƙarshe yana tsakanin na iyayenta, Mohamed Belouizdad da Hassiba Ben Bouali.